Trump paralajmëron Iranin: SHBA do të marrë masa shumë të forta nëse ekzekutoni protestuesit 14/01 09:01
Një aksident hekurudhor në Tajlandë ka lënë të vdekur të paktën 22 persona dhe ka plagosur 80 të tjerë, pasi një vinç në një urë në ndërtim e sipër ra mbi një tren.
“Një vinç u shemb mbi një tren, i cili doli nga shinat dhe u përfshi nga flakët”, thanë autoritetet në një deklaratë.
Aksidenti ndodhi rreth orës 09:00 (ora lokale) kur një vinç në një kantier ndërtimi për një linjë hekurudhore me shpejtësi të lartë u shemb dhe ra mbi një tren pasagjerësh. “Dëgjova një zhurmë të fortë (…) të ndjekur nga dy shpërthime”, tha Mitr Intrpania, 54 vjeç, banor i zonës, jo shumë larg vendit të tragjedisë.
“Kur shkova të shihja se çfarë kishte ndodhur, pashë një vinç që kishte rënë mbi një tren pasagjerësh me tre vagona. Metali i vinçit dukej se e kishte prerë vagonin e dytë në dysh”, shtoi ai. Ministri i Transportit i Tajlandës, Phiphat Ratchakitprakarn, tha se në tren , i cili po udhëtonte midis kryeqytetit Bangkok dhe provincës Ubon Ratchathani, ndodheshin 195 pasagjerë. Ai tha se autoritetet do të kryejnë një hetim për të përcaktuar shkakun e aksidentit.
Trenat me shpejtësi të lartë në Tajlandë
Pamjet e transmetuara nga mediat në mbretërinë aziatike treguan ekipet e shpëtimit që nxitonin drejt një treni të përmbysur që shtrihej përmbys, me tym që dilte nga rrënojat.
Operacionet e kërkim-shpëtimit u pezulluan përkohësisht për shkak të një ” rrjedhjeje kimike “, tha policia lokale, pa specifikuar se ku. Vinçi ndodhej në një kantier të madh ndërtimi si pjesë e rrjetit hekurudhor me shpejtësi të lartë të Tajlandës, ndërtimi i të cilit filloi në vitin 2017, një dekadë pas afatit. Projekti, me një buxhet të vlerësuar prej 5.4 miliardë dollarësh amerikanë , pritet të lidhë Bangkokun me Kunmingun në Kinën jugore nëpërmjet Laosit.
Pjesa e parë e këtij rrjeti pritet të vihet në shërbim në vitin 2028 dhe e dyta në vitin 2032.
At least 22 people were killed and 55 others injured after a construction crane lifting a section of a bridge collapsed onto a passenger train in Sikhio, Thailand.
Follow: https://t.co/7Dg3b41hTx pic.twitter.com/tlUchhS8zg
— PressTV Extra (@PresstvExtra) January 14, 2026
Ai mbështetet nga Kina, si pjesë e iniciativës së saj për të ashtuquajturat Rrugë të reja të Mëndafshit (zyrtarisht “Një Brez, Një Rrugë”), me qëllim rritjen e shkëmbimeve tregtare dhe ndikimin e saj.
Aksidentet në industri, kantiere ndërtimi ose në transport janë relativisht të shpeshta në Tajlandë, për shkak të mungesës ndonjëherë të tepërt të zbatimit të rregullave të sigurisë.
Tetëmbëdhjetë persona u vranë në vitin 2020 në Tajlandë, kur një tren mallrash u përplas me një autobus që transportonte besimtarë në një ceremoni fetare. Dhe tetë persona u vranë në vitin 2023, kur një tren mallrash u përplas me një furgon ndërsa kalonte një kalim të pambrojtur në pjesën lindore të vendit.
Top Channel
