Protestat në Iran, i dërguari i posaçëm i Trump takim sekret me djalin në mërgim të Shahut të fundit të Teheranit, Reza Pahlavi 13/01 20:47
Komiteti Mbikëqyrës i Dhomës së Përfaqësuesve, i udhëhequr nga republikanët, njoftoi të martën se do të kërkojë shpalljen fajtor të ish-Presidentit Bill Clinton për shpërfillje të Kongresit, pasi ai nuk u paraqit për të dëshmuar në hetimin që lidhet me autorin e dënuar të krimeve seksuale, Jeffrey Epstein.
Kryetari i Komitetit, James Comer, kongresmen republikan nga Kentucky, deklaroi se për shkak të mosparaqitjes së Clinton në përgjigje të thirrjes së tij të ligjshme, e cila ishte votuar sërish në mënyrë unanime dhe dypartiake, komiteti do të vazhdojë javën e ardhshme me procedurat për ta akuzuar ish-presidentin për shpërfillje të Kongresit.
Komiteti kishte planifikuar që Bill Clinton të dëshmonte të martën në mëngjes, ndërsa dëshmia e ish-sekretares së Shtetit Hillary Clinton ishte planifikuar për të mërkurën, sipas raportimit të NBC.
Në një letër tetëfaqëshe drejtuar Comer, Bill dhe Hillary Clinton njoftuan se nuk kishin ndërmend të paraqiteshin për të dëshmuar. Në letër ata shkruajnë se “çdo person duhet të vendosë kur ka parë mjaftueshëm ose kur ka arritur limitin e tij dhe është gati të luftojë për këtë vend, parimet dhe popullin e tij, pavarësisht pasojave”, duke shtuar se “për ne, ky është momenti”.
Thirrjet në gjyq u lëshuan në kuadër të hetimit të komisionit mbi marrëdhënien e ish-presidentit Clinton me Jeffrey Epstein. Dëshmitë ishin planifikuar fillimisht për tetorin e kaluar, por u shtynë dy herë.
Ndër mijëra dokumente që lidhen me Epstein dhe që u publikuan nga Departamenti i Drejtësisë në dhjetor, përfshihen edhe disa fotografi të Bill Clinton. Ai kishte udhëtuar me aeroplanin e Epstein në fillim të viteve 2000, përpara se Epstein të akuzohej për krime seksuale.
Bill Clinton ka mohuar çdo shkelje, duke deklaruar se nuk kishte dijeni për krimet e Epstein dhe se i kishte ndërprerë marrëdhëniet me të përpara se miliarderi të akuzohej në vitin 2006 për marrëdhënie seksuale me një të mitur.
Top Channel
