Video/ Pamje tronditëse! Po luanin me çakmak pranë fuçive të naftës, dy të rinjtë filmohen kur hidhen në erë 12/01 22:50
Elon Musk planifikon të paraqesë kërkesë për kujdestarinë e plotë të djalit të tij 1-vjeçar, pasi nëna e fëmijës, Ashley St. Clair, bëri komente mbështetëse në lidhje me komunitetin transgjinor.
Miliarderi amerikan tha se do të kërkojë kujdestarinë e fëmijës që pati me influencuesen pas ndryshimit të qëndrimit të saj ndaj personave transgjinorë.
“Do të paraqes kërkesë për kujdestari të plotë sot, duke pasur parasysh deklaratat e saj që nënkuptojnë se ajo mund ta inkurajojë djalit të tij tw ndryshojë gjini”, shkroi Musk në X, duke iu përgjigjur komentit të një ndjekësi.
Elon needs full custody. Coming out in support of trans grooming like this is insane. https://t.co/AGgK0RmgXU pic.twitter.com/CjROvyMzDd
— Sólionath (@Anarseldain) January 11, 2026
Nuk është e qartë nëse St. Clair ka thënë ndonjëherë se do ta lejonte djalin e saj të kryente një operacion për ndryshimin e gjinisë, sipas New York Post. Megjithatë, ajo kohët e fundit kërkoi falje në mediat sociale për deklaratat e kaluara që bëri në lidhje me personat transgjinorë në përgjithësi.
Influencuesja zbuloi vitin e kaluar se kishte lindur fëmijën e 13-të të Elon Musk. Megjithatë, para këtij zbulimi, ajo njihej si një influencuese konservatore me pikëpamje shpesh provokuese.
Elon Musk shkroi se do të kërkonte kujdestarinë e fëmijës, pasi një përdorues i X e nxiti atë të kujdesej plotësisht për të birin. Përdoruesi po i referohej ndjesës së St. Clair gjatë fundjavës për pikëpamjet e saj të mëparshme mbi personat transgjinorë.
“Ndihem fajtore për rolin tim”, iu përgjigj Ashley një përdoruesi të X i cili e akuzoi atë për “transfobi të hapur” në të kaluarën.
“Dhe edhe më shumë fajtore që gjërat që kam thënë në të kaluarën mund t’i kenë shkaktuar më shumë dhimbje motrës së djalit tim. Nuk e di vërtet si t’i kompensoj shumë nga këto gjëra, por po përpiqem jashtëzakonisht shumë të mësoj dhe të mbështes anëtarët e komunitetit trans që i kam lënduar”, shkroi ajo në X.
Referenca për “motrën e djalit tim” është për Vivian, fëmijën e Elon Musk, e cila doli publikisht si transeksuale në vitin 2022.
“As unë nuk kam folur shumë për këtë çështje sepse nuk isha e sigurt nëse zëri im do të ishte i dobishëm, pasi do të shihej si i pasinqertë ose thjesht një konvertim sepse jam ‘e përçmuar'”, shkroi Saint Claire.
“Edhe kjo përgjigje do të jetë objekt histerie nga e djathta, por po, më vjen keq. Më tregoni si mund të ndihmoj”, shtoi ajo.
Top Channel
