Detaje të reja janë zbuluar nga rasti i mashtrimit të një biznesmeni nga Shkodra, ku 5 persona i morën 40 mijë euro.
Gazetarja e Top Channel Dorjana Bezat raporton se në lidhje me rastin janë arrestuar Krenar Toromenin, Ilia Gjinin dhe Artur Lecinin. Këta të fundit dyshohet se kanë kontaktuar biznesmenin përmes aplikacionit Viber, duke iu prezantuar si miqtë e Tonin Marinajt, kryetarit të Bashkisë Malësi e Madhe, të cilin biznesmeni e kishte mik.
Ata i kanë kërkuar 40 mijë eurosh, me pretendimin se do t’ia dorëzonin Marinajt dhe se paratë do t’i ktheheshin brenda 2 ditësh.
Pasi dy ditëve, biznesmeni ka komunikuar me Marinajn duke i kërkuar lekët pas, ndërsa ky i fundit i ka deklaruar se nuk është në dijeni. Pasi ka kuptuar se është mashtruar, ai i është drejtuar policisë, e cila dje ka vënë në pranga 3 prej autorëve, ndërsa shpalli në kërkim 2 të tjerë.
Top Channel
