Pas publikimit në media të rastit të dyshuar të braktisjes së tre fëmijëve të mitur në Durrës, Ministria e Shëndetësisë dhe Mbrojtjes Sociale ka reaguar zyrtarisht, duke bërë të ditur se janë ndërmarrë menjëherë veprimet institucionale për mbrojtjen e tyre.
Sipas deklaratës për media, Shërbimi Social Shtetëror, në bashkëpunim me Policinë e Shtetit dhe Operatorin e Shërbimit të Kujdesit Shëndetësor, ka marrë deklaratat e nënës, fëmijëve dhe gjyshes së tyre. Pak minuta më parë, tre fëmijët janë dërguar në Spitalin Rajonal Durrës, ku po qëndrojnë nën kujdesin e mjekëve, të shoqëruar edhe nga nëna.
Autoritetet bëjnë me dije se fëmijëve u është siguruar ushqimi dhe veshmbathja e nevojshme, ndërsa në vijim pritet të mblidhet Grupi Teknik Ndërsektorial, i cili do të vendosë mbi masat e mëtejshme për garantimin e mbrojtjes dhe mirëqenies së tyre.
Deklarata:
Pas sinjalizimit nga media ditën e sotme, mbi braktisjen e mundshme të tre fëmijëve nga nëna e tyre, Shërbimi Social Shtetëror, në bashkëpunim me Policinë e Shtetit dhe Operatorin e Shërbimit të Kujdesit Shëndetësor mori deklaratat përkatëse nga nëna, fëmijët dhe gjyshja e tyre.
Pak minuta më parë, tre fëmijët kanë mbërritur në Spitalin Rajonal Durrës, ku po qëndrojnë nën kujdesin e mjekëve, të shoqëruar edhe nga nëna, ndërkohë që iu është siguruar ushqim dhe veshmbathja e nevojshme.
Në vijim, do të mblidhet Grupi Teknik Ndërsektorial, për të vendosur mbi masat e mëtejshme për mbrojtjen e fëmijëve.
Top Channel
