“Numri i të vdekurve mund të jetë edhe më i lartë”/ Demonstratat në Iran, mes 65 viktimave edhe një 5-vjeçar 10/01 22:50
Shtetet e Bashkuara hodhën poshtë kategorikisht akuzat e Teheranit për nxitje të protestave antiqeveritare në Iran, duke i quajtur ato një “përpjekje iluzive për të shpërqendruar vëmendjen” nga problemet serioze me të cilat përballet udhëheqja iraniane.
Një zëdhënës i Departamentit të Shtetit, kur u pyet për akuzat e bëra nga Ministri i Jashtëm iranian Abbas Araghchi gjatë vizitës së tij në Liban, e hodhi poshtë plotësisht pretendimin e tij.
“Kjo deklaratë pasqyron një përpjekje iluzive për të shpërqendruar vëmendjen nga sfidat e mëdha me të cilat përballet regjimi iranian”, tha zëdhënësi i Departamentit të Shtetit të SHBA-së.
Reagimi i Uashingtonit vjen pas deklaratave të Teheranit, në të cilat qeveria iraniane ia atribuon demonstratat e vazhdueshme “nxitjes së huaj”, në një kohë kur vala e protestave është përhapur në qytetet kryesore të vendit dhe shoqërohet me shtypje të rëndë dhe ndërprerje të aksesit në internet.
Megjithatë, Shtetet e Bashkuara këmbëngulin se zhvillimet në Iran janë një çështje e brendshme e vendit dhe pasqyrojnë pakënaqësi të thellë sociale dhe politike, duke hedhur poshtë çdo përfshirje në ngjarje.
Top Channel
