Dy persona janë arrestuar në Lezhë për shitjen e lëndëve narkotike.
U arrestuan në flagrancë Pjetër Dukaj, 22 vjeç, banues në Lezhë, i cili lëvizte me automjet në fshatin Manati duke shitur doza Cannabis, dhe Kristjan Marku 27 vjeç, banues në Kurbin, i cili u kap në zonën e Kalasë së Lezhës me sasi të Cannabis, dyshohet me qëllim shitjen.
Gjatë operacionit u sekuestruan lënda narkotike, dy automjete dhe pesë celularë, ndërsa materialet procedurale i janë referuar Prokurorisë së Lezhës për veprime të mëtejshme.
Operacioni u zhvillua në bashkëpunim me specialistët e Seksionit për Hetimin e Narkotikëve dhe përfshiu kontrolle dhe punë informative me qëllim evidentimin dhe goditjen e veprimtarive kriminale në fushën e narkotikëve.
Top Channel
