Rusia godet Ukrainën me raketë balistike Oreshnik, 4 viktima dhe 19 të plagosur në Kiev

Moska përdori raketën balistike Oreshnik. Kryebashkiaku Klitschko tha se dronët rus goditën katër lagje të Kievit, duke shkaktuar dëme të mëdha në disa ndërtesa.

Ai sqaroi se midis të vdekurve ishte një shpëtimtar që nxitoi të ofronte ndihmën e parë banorëve të një pallati apartamentesh që u godit nga dronë vetëm pak minuta larg. Katër kolegë të tjerë u plagosën në të njëjtin sulm.

BREAKING:

Russian suicide drones are hitting high-rise apartment building in Kyiv pic.twitter.com/T2UIbjUjl8

— Visegrád 24 (@visegrad24) January 9, 2026

Kryebashkiaku i Kievit tha gjithashtu se sulmet ajrore kishin dëmtuar infrastrukturën në kryeqytet, duke shkaktuar ndërprerje të furnizimit me ujë në disa lagje.

Nga ana e tij, kreu i administratës ushtarake të kryeqytetit, Timur Tkachenko, raportoi nëpërmjet Telegram se një dron rus shkaktoi një zjarr në një qendër tregtare, ndërsa një tjetër u rrëzua jashtë një qendre mjekësore.

Three people killed and six more injured by the Russian attack on Kyiv tonight.

The attack continues, Russian drones are all over the city, Kalibr missiles expected to strike soon. https://t.co/XSOLNpb4U9 pic.twitter.com/jrnRNa3Vpx

— Anton Gerashchenko (@Gerashchenko_en) January 9, 2026

Infrastruktura në qytetin perëndimor ukrainas të Lvivit u shënjestrua gjithashtu nga një sulm me raketa ruse gjatë natës, siç u njoftua nga kryetari i bashkisë Andriy Sandovy dhe guvernatori rajonal Maksym Kozhitsky në postimet në platformën Telegram. Mediat ukrainase spekulojnë se mund të ketë qenë një sulm me Oreshnik, një lloj i ri rakete hipersonike e aftë të mbajë një kokë bërthamore.

Guvernatori rajonal Kozytsky tha se ekspertët kishin nxituar në zonat e prekura, ndërsa kryebashkiaku Sandovy theksoi se u takon ekspertëve të vendosin nëse një raketë Oreshnik është përdorur në sulm.

Herën e parë që një raketë e këtij lloji u qëllua drejt Ukrainës ishte në një sulm rus në qytetin lindor të Dnipros në nëntor 2024.

Top Channel