E rëndë në SHBA, 32-vjeçari godet disa herë me thikë punonjësin e fast-foodit sepse në porosinë e tij nuk i pëlqeu… salca

Më konkretisht, sipas informacionit nga New York Post, gjithçka ndodhi më 27 dhjetor në Las Vegas, kur 32-vjeçari Gerald Carter, pasi mori porosinë e tij, u mërzit për salcën që i kishin dhënë punonjësit.

Më pas pasoi një debat i ashpër me një punonjës, i cili, siç raporton Carter, e fyeu dhe e mallkoi, duke rezultuar në largimin e tij nga dyqani.

Gravy dispute leads to stabbing at Las Vegas KFC pic.twitter.com/G3HY4bYPac

— Breaking911 (@Breaking911) December 31, 2025

Megjithatë, Gerald u kthye pak më vonë me xhaxhain e tij 48-vjeçar, James dhe të dy dyshohet se shkuan pas banakut. Sipas pamjeve të kamerave të sigurisë të shqyrtuara nga policia, Gerald e goditi me thikë punonjësin disa herë ndërsa xhaxhai i tij e goditi disa herë.

Punonjësi u dërgua në spital për trajtim, por gjendja e tij shëndetësore nuk dihet ende.

Pas një hetimi, policia gjeti një thikë në xhepin e Gerald dhe arrestoi dy autorët për tentativë vrasjeje.

KFC worker allegedly stabbed multiple times by customer angry over gravy https://t.co/khmQKbC6Xc pic.twitter.com/wQnm63daab

— New York Post (@nypost) January 8, 2026

Më vonë, Gerald pranoi para oficerëve se kishte debatuar me punonjësin, por pretendoi se thikën nuk e kishte nxjerrë nga xhepi i tij për asnjë moment.

Të dy personat mbeten në Qendrën e Paraburgimit të Qarkut Clark me akuza për sulm me armë vdekjeprurëse që shkaktoi lëndime të rënda trupore dhe tentativë vrasjeje me armë vdekjeprurëse. Lirimi me kusht për Gerald Carter u caktua në 100,000 dollarë, ndërsa për James Carter u caktua në 10,000 dollarë.

Top Channel