Juventus, kontakte të tjera për Chiesa, monitorohet dhe Kessie 07/01 10:04
Serie A ka mbyllur ditën e djeshme ndeshjet e javës së 18-të të kampionatit.
Rezultatet mjaft të rëndësishme janë marrë nga ekipet, ndërsa kanë shkëlqyer edhe disa nga futbollistët shqiptarë. Kështu Berat Gjimshiti pas paraqitjet fantastike në sfidën ndaj Romës, në fitoren 1-0 të Atalantës është zgjedhur nga “SofaScore” në repartin e mbrojtjes të formacionit të javës së Serie A. Në përfundim të asaj ndeshjeje ai mori edhe trofeun e lojtarit të takimit. Por jo vetëm kaq, në këtë repart ndodhet edhe një tjetër shqiptar.
Bëhet fjalë për Amir Rrahmanin, i cili la gjurmë në sfidën që Napoli fitoi 2-0 ndaj Lazios. Mbrojtësi i Kosovës ishte i pakalueshëm në prapavijë, teksa shënoi edhe golin e dytë për të tijtë.
Ndërkohë që vlen të përmendet se pavarësisht se nuk ndodhet në këtë formacion të përzgjedhur, Ardian Ismajli u shpall gjithashtu lojtari i ndeshjes në fitoren e Torinos ndaj Veronës 0-3 në transfertë. Mbrojtësi kuqezi dhuroi edhe asistin e golit të tretë për ekipin e tij.
Top Channel
