Mateta s’mundi të vijë te Milan, Igli Tare: Ishte për shkak të një problemi fizik 03/02 23:27
Një penallti që mund të ndryshonte anën psikologjike, mund të largonte frikën, mund të ndryshonte tërësisht sezonin që deri tani ka rezultuar një dështim. E kuptuan edhe kapiteni Locatelli dhe Yildiz kur i dhanë topin për ta vendosur nga pika e bardhë e penalltisë në ndeshjen me Leccen.
Por për Jonathan David gjërat shkuan akoma më keq për të dhe për Juventus në një moment shumë të rëndësishëm të sfidës. Gjuajtja e francezit ishte shumë e shëmtuar, e pashpjegueshme dhe që portiteri i Lecce, Falcone e ndali me këmbë. ‘David është një gjuajtës penalltish, për mua e gjuajti mirë; nuk fajësoj as atë që e gaboi e as atë që e lejoi ta gjuajë’-tha Luciano Spalletti në fund të ndeshjes duke e mbrojtur futbollistin dhe vendimin e futbollistëve të tjerë të Juventusit për ta lejuar atë që ta godasë penalltinë.
Jonathan David u transferua nga Lille te Juventusi me pseudonimin ‘Njeriu i akullt’. Ajo ndaj Lecce, ishte penalltia e 6 e humbur nga Jonathan David në 32 të ekzekutuara në total me fanelën e një klubi dhe këtu përfshihen edhe 2 nga 3 penalltitë e fundit(në 10 janar të 2025 në Ligue 1 ndaj Auxerre dhe pikërisht kjo ndaj Lecces). Pas golit të shënuar në ndeshjen hapëse të kampionatit ndaj Parmës në 24 gushrt, kanadezi nuk ka rezultuar më vendimtar për Juventusin, 3 gola të shënuar në 22 ndeshje në të gjitha kompeticionet, është një e dhënë e sikletshme për një sulmues që prej vitesh ka qenë ‘vrasës’ para portave kundërshtare me fanelën e Lille, me të cilën shënoi 109 gola në 5 sezone dhe ka qenë vendimtar në ndeshje të mëdha.
Mungesa e Vlahovic ishte rasti më i mirë për të marrë vendin si titullar dhe për të treguar cilësitë e tij si një sulmues i pandalshëm që e kanë shoqëruar në ardhjen e tij në Torino ku përfiton 6 milionë euro neto në sezon. Në ndeshjen me Leccen, Spalletti e preferoi përpara Opendës për ta hedhur në fushë si titullar; një gjuajtje me kokë e devijuar nga Falcone dhe më pas një paraqitje e zbehtë përpara katastrofës.
Top Channel
