Arrestimi i Maduros, presidenti dhe bashkëshortja po flinin në momentin kur arritën forcat amerikane, si u tërhoq zvarrë lideri venezuelian nga dhoma e tij gjumit 04/01 00:12
Mickey Rourke dukej pothuajse i panjohshëm, vetëm disa ditë pasi u njoftua se ai po përballej me dëbim të mundshëm.
Aktori 73-vjeçar dhe ish-boksieri profesionist u fotografua në natën e Vitit të Ri duke hapur derën e shtëpisë së tij në Los Angeles për të marrë porosi nga një supermarket. Në foto, Rourke shihej me kokë të rruar dhe i veshur me një pulovër me vija shumëngjyrëshe, pantallona vjollcë dhe çorape të bardha.
Një raport i New York Post tha se Mickey Rourke po përballet me dëbim nga shtëpia e tij në Los Angeles, pasi thuhet se ka një borxh prej 60,000 dollarë qira.
Shihni fotot
Mickey Rourke looks unrecognizable in rare sighting as he faces possible eviction https://t.co/QxORfYhnx0 pic.twitter.com/FTePrF680c
— Page Six (@PageSix) January 2, 2026
Sipas dokumenteve të gjykatës, ish-djali i keq i Hollivudit mori një njoftim tre-ditor më 18 dhjetor për të paguar qiranë ose për t’u larguar nëse nuk arrinte të paguante detyrimet e prapambetura.
Qiraja e tij thuhet se ishte rritur në 7,000 dollarë në muaj dhe kur u lëshua njoftimi, ai kishte borxh 59,100 dollarë, sipas padisë. Njoftimi u vendos në pronën e aktorit dhe u dërgua me postë kur “nuk u gjet asnjë person me moshë ose pjekuri të përshtatshme” në shtëpi.
Karriera e Mickey Rourke mori hov në vitet 1980 me filma si “9 1/2 Weeks”, por karriera e tij u shënua nga kriza personale, konflikte dhe operacione të shumta plastike që ai ka thënë se ishin bërë për të riparuar dëmtimet nga karriera e tij profesionale në boks.
Top Channel
