U mbajt këtë të premte në Gjykatën e Tiranës, seanca ndaj 22 personave të arrestuar pak ditë më parë në Tiranë, në një aksion antidrogë, ku vetëm një prej tyre, Blerim Mali u la i lirë pasi kishte dy familjarë të sëmurë për të cilët kujdeset.
Në gjykatë kanë dalë të arrestuarit: Renaldo Dalipi, Engelbert Pjetri, Armandi Hajdini, Olsi Mici, Fatjon Cela (Çela), Xhon Boci, Laert Murataj, Artan Pullazi, Erald Sina, Blerim Mali, Gentjan Vercani, Valerjos Bushi, Olkid Hajdari, Dylber Alijaj, Angjelos Mema, Majdi Musa,Jurgen Hekurani, Erdison Gjella, Abdurahman Bollati, Klodian Rrucaj, Indri Nakaj dhe Genti Kraja.
Gazetarja e Top Channel Anila Hoxha e cila po ndjek nga afër seancën, bën me dije se ky grup është futur në kurth nga agjentë të infiltruar.
Në dosjen që Top Channel siguron, agjentët janë paraqitur si blerës, duke dokumentuar kështu këtë aktivitet të paligjshëm që ishte shtrirë në të gjithë kryeqytetin.
Një nga episodet, ku personi i infiltruar është paraqitur me emrin Kristi, bisedon me një prej anëtarëve të grupit, i cili duket se operonte në zonën e Kamzës.
Kristi i shkruan Valerjos Bushi:
Kristi; Ome vllai
Valerjos Bushi; Mirë…. hajde ktej iher
– Se kishte aty, ca lloji që më the?
– Tani kam .. (nuk kuptohet), po deshe prapë për me mor
– E mirë, mu tër notën më ke ktu. Është ndrru dora apo e njëjta është për të qenë?
Një tjetër episod është mes të infiltruarit Hasa, me Fatjon Çela
-Hasan: Ore ça ka ky qeni që lef përher.
-Fatjon Cela: Ja mora njërit se s’kisha as vet.
-Hasan: Duket se e ka dredhur keq s’dinte se e … me zor. Ika zemra hajt se shifna prap.
Top Channel
