Rama publikon videon nga darka tradicionale të fundvitit me Trupin Diplomatik: Krenarë për Shqipërinë 20/12 20:28
Ambasadori i Shqipërisë në SHBA, Ervin Bushati, është takuar me sekretarin e Shtetit, Marco Rubio, ku kanë diskutuar për marrëdhëniet mes vendeve.
Ai tha se Sekretari Rubio pohoi se ky është një rast miqësie midis vendeve dhe se është një “kuptim i shkëlqyer i politikës e diplomacisë”.
Bushati në postimin e tij në Facebook, zbuloi se ka ftuar Rubion të vizitojë Shqipërinë, për të forcuar miqësinë mes dy vendeve.
Postimi i plotë:
“Shqipëria është një mrekulli e diplomacisë amerikane. Përmes përkrahjes së saj, vendi ynë u kthye nga një vend i izoluar komunist në një partner dhe aleat të besueshëm të SHBA-së, dhe sot është vendi më proamerikan në botë.
Këtë vlerësim e ndava me Sekretarin Amerikan të Shtetit, Marco Rubio, i cili ra dakord se kjo lidhje historike është dëshmi e miqësisë së vërtetë mes dy vendeve dhe një histori suksesi nga pikëpamja politike dhe diplomatike.
Gjatë bisedës, theksova gjithashtu se Shqipëria është atdheu i Nënë Terezës dhe simbol i paqes dhe bashkëjetesës në botë.
Në plan personal, u ndjeva krenar dhe i lumtur të dëgjoja se Nënë Tereza ishte shenjtore e familjes Rubio.
Po ashtu, pata nderin që, në emër të Kryeministrit Edi Rama, ta ftoja Sekretarin Rubio të vizitojë Shqipërinë, për të forcuar edhe më tej miqësinë e ngushtë mes dy vendeve. Ishte një takim mbresëlënës me një mik të madh të lirisë dhe demokracisë në botë”.
Top Channel
