Premiera e “Emily in Paris”, aktorja Lily Collins mahnit me veshjen 17/12 20:32
Leonardo DiCaprio ka thënë se nuk e ka parë kurrë filmin “Titanic” të James Cameron, një nga filmat më ikonikë në të cilët ka luajtur ndonjëherë.
Aktori fitues i çmimit Oscar tha se zakonisht nuk shikon filma që kanë të njëjtin aktor kryesor.
Ylli i Hollivudit u ul përballë Jennifer Lawrence në episodin e ri të Variety dhe serialit “Actors on Actors” të CNN që u transmetua të mërkurën, më 17 dhjetor. Gjatë bisedës, aktorja fituese e çmimit Oscar e pyeti DiCaprio-n: “A e ke parë më parë ‘Titanic’?”, “Jo. Nuk e kam parë kurrë “, tha ai.
Leonardo DiCaprio Claims He's Still Never Seen Titanic: 'I Don't Really Watch My Films' https://t.co/ah1Ols9uU7
— People (@people) December 17, 2025
Jennifer Lawrence më pas e nxiti të shihte filmin legjendar të James Cameron. “Oh, duhet ta shikosh. Vë bast që mund ta shikosh tani, është kaq i mirë “, tha ajo. “Unë nuk i shikoj filmat e mi. A i shikon ti?” shtoi Leonardo DiCaprio nga ana tjetër. “Jo,” u përgjigj Lawrence dhe vazhdoi me shaka: “Nuk kam bërë kurrë diçka si ‘Titanic’ – nëse do ta kisha bërë, do ta kisha parë. Një herë, kur isha shumë e dehur, ndoqa filmin American Hustle. Thashë me vete, ‘Pyes veten nëse jam e mirë në aktrim?’ E ndoqa dhe nuk mbaj mend se cila ishte përgjigjja.”
Në një intervistë me Esquire gushtin e kaluar, DiCaprio kishte thënë se nuk i shikon shpesh projektet e tij. Megjithatë, ai kishte zbuluar se ka një film që e ka parë disa herë.
“Rrallë shikoj ndonjë nga filmat e mi, por për të qenë i sinqertë, ka një që e kam parë më shumë se të tjerët. Është The Aviator. Kjo vetëm sepse ishte një moment kaq i veçantë për mua. “Kisha punuar me Marty [Scorsese] në Gangs of New York dhe kisha mbajtur një libër për Howard Hughes për 10 vjet,” tha ai në atë kohë.
Top Channel
