Kupa e Mbretit/ Barcelona djersit me Racing Santander, por kalon në çerekfinale 15/01 23:20
Ndëshkime të reja janë vendosur ndaj lojtarëve të futbollit dhe gjyqtarëve në Turqi, pasi gjithçka tashmë po del në shesh përgjithmonë për çështjen e basteve të paligjshme.
Në vjeshtë, skandali i madh që shpërtheu në Turqi në lidhje me përfshirjen e lojtarëve dhe gjyqtarëve në baste të paligjshme tronditi futbollin e vendit dhe bëri bujë në skenën europiane.
Në këtë kontekst, Komiteti Disiplinor i Federatës së vendit vendosi dënime të reja për gjithsej 224 futbollistë dhe 24 gjyqtarë. Rreth një muaj më parë, mbi një mijë lojtarë u dërguan në gjykatë, si dhe shumë gjyqtarë dhe zyrtarë të ekipeve. Sa i përket lojtarëve, dënimet e vendosura në atë kohë përfshinin disa emra të njohur, siç është Eren Elmali i Galatsaray-t, i cili madje u përjashtua nga kombëtarja turke.
Sipas informacionit në lidhje me dënimet e reja, nga 224 futbollistët, 197 janë amatorë, ndërsa pesë nga 24 gjyqtarët “fërshëllejnë” në divizionin e parë të vendit. Dënimet e tyre variojnë nga 45 ditë deri në një pezullim njëvjeçar nga futbolli.
Skandali i basteve të paligjshme e goditi futbollin në Turqi si një bombë dhe duket se do të mbetet në titujt kryesorë të lajmeve për një kohë të gjatë, pasi hetimet janë duke vazhduar.
Njoftimi i Komitetit Disiplinor:
“Në mbledhjen e Këshillit Disiplinor të Futbollit Profesional të datës 16.12.2025 numër 37, çështja e mëposhtme iu referua Këshillit tonë në përputhje me nenin 57 të Rregullores Disiplinore të Futbollit (FDT)… 197 futbollistë amatorë, të cilët ose janë përfshirë në listat e ”Grupit A” ose mund të garojnë në ndeshje profesionale duke u përfshirë në listën e lojtarëve, në përputhje me rregulloret e garave përkatëse. Përveç 1,024 futbollistëve të referuar në PFDK më 10.11.2025, hetimet u përfunduan edhe për 27 futbollistë.
Top Channel
