U përfol për një aksident të rëndë, reagon Einxhel Shkira: Jam si kokrra e mollës, theva këmbën kur… 14/12 17:03
Gjenerata Z po sfidon çdo stereotip dhe po del si brezi më i përgatitur financiarisht për pension, duke lënë pas Baby Boomers dhe Millennials.
Një analizë e fundit nga kompania e investimeve Vanguard tregon se të rinjtë e moshës 24–28 vjeç janë më të ndërgjegjshëm dhe më aktivë se kurrë në planifikimin e së ardhmes financiare.
Sipas studimit, rreth 47% e punonjësve të kësaj grupmoshe janë tashmë në rrugën e duhur për të siguruar të ardhura të mjaftueshme që t’u ruajnë standardin e jetesës edhe pas daljes në pension.
Ky nivel përgatitjeje është më i lartë se ai i brezave të mëparshëm në të njëjtën moshë, duke e bërë Gen Z një përjashtim pozitiv në një periudhë pasigurie ekonomike globale.
Ekspertët shpjegojnë se arsyeja kryesore lidhet me faktin që ky brez ka nisur të kursejë dhe të kontribuojë në fondet e pensionit shumë më herët.
Aksesi i lehtë në informacion financiar, edukimi ekonomik dhe përjetimi i krizave financiare kanë ndikuar që Gen Z të jetë më i kujdesshëm dhe strategjik me paratë.
Megjithatë, studiuesit paralajmërojnë se sfidat si rritja e kostos së jetesës, inflacioni dhe pasiguria në tregun e punës mbeten faktorë që mund të ndikojnë në stabilitetin afatgjatë.
Pavarësisht këtyre rreziqeve, të dhënat tregojnë se Gjenerata Z po hedh themele më të forta financiare që sot, duke e kthyer planifikimin e hershëm në avantazhin e saj më të madh për të ardhmen./TAR
Top Channel
