“Përjashtimi i përdorimit të ushtrisë për të aneksuar Groenlandën”/ Ish-Sekretari i Përgjithshëm i NATO-s: Njerëzit kishin frikë nga Trump sepse… 21/01 19:09
Një manovër e gabuar ka përfunduar në një skenë dramatike në një garazh parkimi në Milano, ku një 84-vjeçar mbeti i bllokuar me makinën e tij e cila mbeti e varur disa metra mbi tokë.
Sipas raportimeve lokale, drejtuesi i mjetit humbi kontrollin dhe u përplas fillimisht me një mur xhami, më pas me një dritare të katit të pare.
Zjarrfikësit mbërritën menjëherë në vendngjarje dhe arritën ta nxirrnin të moshuarin, i cili ndodhej ende në gjendje shoku por fatmirësisht pa lëndime serioze. Autoritetet siguruan zonën, duke bllokuar hyrjen në garazhin e katit të parë për të shmangur çdo rrezik të mëtejshëm.
Pamjet e makinës së varur rreth 8 metra në ajër u përhapën me shpejtësi në rrjetet sociale, duke shkaktuar reagime të shumta dhe habi për mënyrën se si mjeti qëndroi i varur pa u rrëzuar. Hetimet vijojnë për të përcaktuar me saktësi shkaqet e incidentit dhe nëse ka pasur ndonjë problem teknik apo thjesht bëhet fjalë për një gabim të moshuarit gjatë manovrimit.
Top Channel
