Katy Perry bën “paraqitjen e saj të parë politike” në Japoni përkrah Trudeau-s 05/12 19:17
Administrata e Presidentit të SHBA-së, Donald Trump, ka publikuar një dokument mbi “Strategjinë Kombëtare të Mbrojtjes”, në të cilin paralajmëron Evropën për “zhdukjen kulturore” dhe deklaron se kërkon të rivendosë dominimin amerikan mbi Amerikën Latine, si dhe se “epoka e migrimit masiv” duhet të marrë fund.
Ekziston rreziku i “zhdukjes kulturore” të Evropës, thuhet në tekstin e publikuar të enjten në mbrëmje nga administrata Trump. “Nëse trendet aktuale vazhdojnë, kontinenti do të jetë i panjohshëm brenda 20 vjetësh ose më pak”, thekson ai.
Dokumenti gjithashtu rendit zgjidhjen e luftës ruso-ukrainase si një nga prioritetet kryesore të SHBA-së. “Është në interesin parësor të Shteteve të Bashkuara të negociojnë një ndërprerje të shpejtë të armiqësive në Ukrainë me qëllim stabilizimin e ekonomive evropiane, parandalimin e një përshkallëzimi ose zgjerimi të padëshiruar të luftës, rivendosjen e stabilitetit strategjik me Rusinë dhe, pas armiqësive, sigurimin e rindërtimit të Ukrainës për të siguruar mbijetesën e saj si një shtet i qëndrueshëm”, thuhet në të.
Sipas tekstit, administrata Trump nuk pajtohet me zyrtarët evropianë që kanë “pritje jorealiste për luftën”. “Shumica dërrmuese e evropianëve duan paqe, por kjo dëshirë nuk po përkthehet në politikë, kryesisht për shkak të minimit të proceseve demokratike nga këto qeveri. Kjo është strategjikisht e rëndësishme për Shtetet e Bashkuara, pikërisht sepse shtetet evropiane nuk mund të vazhdojnë me reformat nëse janë të bllokuara në krizë politike”.
Dokumenti 33-faqësh bën thirrje gjithashtu për “rivendosjen e sovranitetit amerikan” mbi Amerikën Latine dhe njofton një “rikalibrim” të pranisë ushtarake amerikane në botë, “për të adresuar kërcënimet urgjente për kontinentin tonë dhe për t’u tërhequr nga teatrot, rëndësia e të cilave për sigurinë kombëtare amerikane është zvogëluar në vitet ose dekadat e fundit”.
Uashingtoni thotë gjithashtu se “epoka e imigracionit masiv duhet të marrë fund. Siguria kufitare është një element kyç i sigurisë kombëtare”, thekson ai, në një kohë kur Trump e ka shtrënguar shumë politikën amerikane të imigracionit.
“Ne duhet ta mbrojmë vendin tonë nga pushtimet, jo vetëm nga imigracioni i pakontrolluar, por edhe nga kërcënimet ndërkufitare si terrorizmi, droga, spiunazhi dhe trafikimi i qenieve njerëzore”, vazhdon dokumenti. Në të njëjtën kohë, SHBA-të i bëjnë thirrje Japonisë dhe Koresë së Jugut të bëjnë më shumë për të mbështetur mbrojtjen e Tajvanit kundër Kinës.
“Ne duhet t’i inkurajojmë këto vende të rrisin shpenzimet e tyre të mbrojtjes, me theks në aftësitë e nevojshme për të penguar kundërshtarët” nga sulmi ndaj Tajvanit, thotë dokumenti.
“Humbja e identitetit kombëtar” të vendeve evropiane
“Është më shumë se e mundshme, brenda pak dekadash, që anëtarët e NATO-s të jenë kryesisht jo-evropianë”, thuhet në tekst, duke miratuar teorinë e “zëvendësimit të madh”, të cilën e lidh me imigracionin.
Mbështetësit e kësaj teorie, përfshirë administratën Trump, argumentojnë se elitat po planifikojnë të zvogëlojnë fuqinë votuese të evropianëve të bardhë duke i hapur vendet e tyre për emigrantët nga kontinenti afrikan – dhe konkretisht nga vendet myslimane.
“Është legjitime të pyesim veten nëse (këto vende) do ta perceptojnë vendin e tyre në botë ose aleancën e tyre me Shtetet e Bashkuara në të njëjtën mënyrë si ata që nënshkruan kartën” e Aleancës, vazhdon ai. Shtëpia e Bardhë po denoncon në mënyrë konfuze vendimet evropiane që “minojnë lirinë dhe sovranitetin politik, politikat e imigracionit që transformojnë kontinentin dhe krijojnë tensione, censurën e lirisë së shprehjes dhe shtypjen e opozitës politike, rënien e niveleve të lindjeve dhe humbjen e identiteteve kombëtare”.
Uashingtoni shpreh shpresën se “Evropa do të mbetet evropiane, do të rifitojë vetëbesimin e saj në një nivel kulturor dhe do të braktisë obsesionin e saj të pafrytshëm me mbytjen rregullatore”.
Dokumenti amerikan, i cili i kushton disa paragrafë strategjisë amerikane në Afrikë dhe Lindjen e Mesme, synon të ripërcaktojë të gjithë politikën diplomatike dhe ushtarake në dritën e zhvillimeve gjeopolitike të viteve të fundit.
Siguria kufitare
Duke nënvizuar përpjekjet për të rritur furnizimet amerikane me energji, teksti argumenton se “arsyeja historike” që Amerika kishte për t’u përqendruar në Lindjen e Mesme “do të zvogëlohet”.
Ky dokument gjithashtu bën thirrje për “rivendosjen e sovranitetit amerikan” mbi Amerikën Latine dhe njofton një “riorientim” të pranisë ushtarake amerikane në botë, “për të adresuar kërcënimet urgjente për kontinentin tonë dhe tërheqjen nga teatrot, rëndësia e të cilave për sigurinë kombëtare amerikane është zvogëluar në vitet ose dekadat e fundit”.
Lidhur me Kinën, dokumenti përsërit thirrjet për një rajon “të hapur dhe të lirë” të Azi-Paqësorit, por i kushton më shumë rëndësi konkurrencës ekonomike.
Në të njëjtën kohë, SHBA-të po i bëjnë thirrje Japonisë dhe Koresë së Jugut të bëjnë më shumë për të mbështetur mbrojtjen e Tajvanit kundër Kinës.
“Ne duhet t’i inkurajojmë këto vende të rrisin shpenzimet e tyre të mbrojtjes, me theks në aftësitë e nevojshme për të penguar kundërshtarët” nga sulmi ndaj Tajvanit, thotë dokumenti.
Uashingtoni thotë gjithashtu se “epoka e imigracionit masiv duhet të marrë fund. Siguria kufitare është një element kyç i sigurisë kombëtare”, thekson dokumenti, në një kohë kur Trump e ka shtrënguar shumë politikën amerikane të imigracionit.
“Ne duhet ta mbrojmë vendin tonë nga pushtimet, jo vetëm nga imigracioni i pakontrolluar, por edhe nga kërcënimet ndërkufitare si terrorizmi, droga, spiunazhi dhe trafikimi i qenieve njerëzore”, vazhdon dokumenti.
Shërbimet e Shtetësisë dhe Imigracionit të SHBA-së (USCIS) njoftuan të martën se po pezullojnë përpunimin e të gjitha aplikimeve për “karta jeshile” – statusin e rezidentit të përhershëm në SHBA – dhe për natyralizim të paraqitura nga qytetarët e 19 vendeve.
Top Channel
