I lënë jashtë nga Sylvinho, Seferi vazhdon të bëjë atë që di më mirë, të shënojë, vjen goli i 10-të në 15 ndeshje në Turqi 30/11 23:28
Fiorentina vazhdon të jetë në krizë me skuadrën violë që humbi 2-0 ndaj Atalantës dhe në përfundim të sfidës u pa një takim mes lojtarëve dhe tifozëve.
Edin Dzeko u drejtua në sektorin e tifozëve të Fiorentinës në stadiumin e Bergamos për t’u sqaruar me ta pas polemikave të së enjtes pas ndeshjes me AEK të Athinës në Conference League me sulmuesin boshnjak që i akuzoi tifozët se në vend të mbështesin skuadrën e fërshëllejnë në gabimin më të parë.
Pas ndeshjes në Bergamo,Dzeko mori megafonin në dorë për të folur me pak më shumë se 2 mijë tifozë të Fiorentinës të pranishëm. Në fund u dëgjua edhe një kor që thoshte: ‘Ne duam 11 luanë’
‘Që kur mora drejtimin e skuadrës, iu thashë lojtarëve që ky është realiteti-tha trajneri Vanolo-falenderoj tifozët që e kanë kuptuar situatën. E dinë sa të rëndësishëm, na mbështesin gjithnjë pavarësisht klasifikimit. Kur ndodhin periudha të tilla është e nevojshme që të shohim gjërat pozitive, mund të merrnim avantazhin, por pësuam gola. Tani në muajin dhjetor nisin ndeshjet tona, duhet të jemi pozitivë dhe të mos shohim prapa. Duhet të vazhdojmë në këtë rrugë. Kur pritshmëritë e fillimit janë të larta dhe e sheh veten poshtë, te futbollistët merr shumë rëndësi aspekti psikologjik kur ndryshojnë objektivat. Po përpiqemi, sepse edhe sot e nisëm ndeshjen me frike e më pas u çliruam. Mendoj se ky grup po punon shumë për të dalë nga kjo situatë. Jam i bindur se frytet e kësaj pune do të vijnë, duhet të bëhemi më cinikë’.
Top Channel
