Maignan dhe ‘pakti me Djallin’; e arshmja kuqezi e Magic Mike është në udhëkryq

Penalltitë e pritura ndaj Dybalës dhe Calhanoglu në sfidat me Romën e Interin dhe mrekullinë ndaj Gilas në ndeshjen me Lazion ‘zyrtarizuan’ kthimin e Magic Mike në këtë pjesë të parë të sezonit dhe pozicionimin e Milanit në vendet më të larta të klasifikimit të Serie A.

Në këtë kuadër, zërat dhe diskutimet për të ardhmen e portierit francez janë kthyer në aktualitet. Kontata e Maignan skadon në qershor të 2026, por drejtori sportiv i Milanit, Igli Tare foli për një pakt mes palëve për të ruajtur qetësinë. E megjithatë, ndarja mes palëve nuk është e pamundur

Rinovimi Maignan-Milan, situata aktuale

Sipas asaj që deklaroi Igli Tare përpara ndeshjes me Lazion, situarta është e qartë: ‘Në fillim të sezonit bëmë një pakt, të vazhdojmë punën së bashku, pa I ushtruar presion ndaj njëri-tjetrit. Ka shumë qetësi’-ishin fjalët e Tares, Një tentativë kjo për të mos sforcuar gjërat duke parë edhe zhgënjimin e shfaqur nga Maignan për dështimin e tratativave me Milanin që I ofroi një pagë me ulje nga 5 milionë në 4 milionë euro.

Maignan-Milan; skenarët për 2026

Paraqitjet me Milanin në këtë sezon ka bërë që dritat e prozhektorëve të bien sërish mbi Maignan, por nuk kanë qenë të shuara plotësisht. Kartoni I tij me parametra zero josh të shumë klube në Evropë  dhe në të kaluarën ka pasur edhe kontakte. Por duke u bazuar te fjalët e Tares, nuk përjashtohet mundësia që Maignan të vazhdojë të jetë pjesë e Milanit edhe në 2-3 sezonet e ardhshme. Për të rihapur tratativat për rinovimin me Maignan, Milani duhet të nëjë një ofertë ekonomike  koherente, pra të ofrojë një page që të mos jetë nën 5 milionë euro, shifra e premtuar e sezonit të kalur e sidomos, në nivelin njerëzor, raportet duhen riparuar menjëherë. Por në këtë pikë, Tare deshi të nënvizojë se ka shumë qetësi mes palëve. Nëse gjatë sezonit ose në fund të tij nuk do të ketë një marrëveshje, sipas paktit që tha Tare, Maignan mund të nënshkruajë me një skuadër tjetër me parametra zero. Madje kjo mund të ndodhë që në janar nëse në drejtim të tij do të vijë ndonjë ofertë marramendëse që do të komplikonte pozicionin e Milanit me portierin që do të jetë i lirë për të arritur marrëveshjen me një klub të ri. Çfarë mund të ndryshojë gjërat? Në radhë të parë, rendimenti i Milanit në fushë, por sidomos një projekt teknik më ambicioz apo të paktën i njëjtë në krahasim me klubin që do të trokasë në derën e tij. Një skenar i tretë, i komplikuar për nuk mund të përjashtohet, është largimi i francezit në janar. Milani nuk ka ndërmend ta bëjë, e për më tepër, vështirë se klube të tjerë do të investojnë shifra të rëndësishme për një futbollist kontrata e të cilit skadon pas disa muajsh, por është e pamundur mos ta marrësh në konsideratë.

Nga Chelsea te Juventus, lista e pretendentëve është e gjatë

Pasiguria për rinovimin e kontratës po rritet teksa janari po afron, muaj kur Maignan do të mund të bisedojë formalisht me cdo skuadër tjetër për një transferim me parametra zero. Chelsea mbetet pretendenti kryesor; klubi londinez  e kishte bllokuar praktikisht kartonin e tij në verën e 2025, por më pas u tërhoq pasi Milani vendosi të mos e shiste portierin. Më i mënjanuar është Juventus që gjithsesi po monitoron evoluimin e cështjes për të qenë gati për të ndërhyrë nëse Mignan do të vendosë të largohet.

Top Channel