Si për të respektuar si duhet festat e nëntorit edhe legjionarët e kombëtares shqiptare kanë dhuruar spektakël në këtë fundjavë të fundit të muajit nëntor.
Pavarësisht mungesës së tij prej kohësh në grumbullimet e kombëtares, Ernest Muçi po i vërteton javë pas jave Sylvinhos që ka vepruar jo mirë me lënien jashtë të tij. Ish-sulmuesi bardheblu ka befasuar Superligën turke me golin e tij spektakolarë në ndeshjen e Trabzonsporit kundër Koniasporit. Goditja e dënimit në minutën e 56-të kishte një kënd të pamundur për të shënjestruar portën për këdo, përveçse për Muçin, që realizoi këtë mrekulli. Një gol që vulosi suksesin e ekipit të tij duke e çuar rezultatin në 3-1. Brenda një jave janë tre gola për Ernest Muçin, që më parë kishte pasur pak hapësira.
Al Sharjah nuk arriti të kryente një mision të pamundur për t’u kualifikuar për më tej në Kupën e Emirateve të bashkuara për të kaluar Al Ain, pasi u mundën dhe ndeshjen e dytë me shifrat 4-1. Por edhe në këtë disfatë, të vetmen gjë të mirë për Al Sharjan, golin e nderit, e shënoi futbollist u kombëtares Rei Manaj, por një gol që shërbeu thjesht për sadisfaksion personal. Mario Mitaj ka qenë përsëri protagonist me fanellën e Al Itihad në futbollin saudit dhe jo vetëm me lojën në mbrojtje në radhët e ekipit të tij. Në ndeshjen e Kupës së Mbretit ndaj Al Shabab, Mitaj e nisi ndeshjen nga stoli, për t’u aktivizuar në minutën e 65-të të sfidës. Në minutën e 87, ai la gjurmën e tij në këtë takim me një dalje përpara në sulm duke dhuruar një assist perfekte për Benzema në qendër, që francezie shndërroi në gol për të vulosur trigolëshin personal dhe në fitoren 4-1. Anis Mehmeti ka gjetur golin e radhës me Bristol Sitin në Angli. Për të është e rrallë që të shënojë me kokë, por ia doli pikërisht në transfertën e Portsmuth. Sulmuesi shqiptar po kalon një formë të shkëlqyer prej dy sezonesh, megjithatë Silvinjo nuk e llogarit nga viti 2023. Deri tani Mehmeti ka shënuar gjashtë gola dhe ka dhuruar po aq asistime, duke qenë kontribuesi i dytë më i mirë i ligës(gola+asist).
Ndërkohë mes gjërave positive të kësaj fundjave nga kampi I legjionarve, ka edhe ngjarje jo shumë optimiste. Kështu Elseid Hysaj do të largohet nga Lacio që në merkaton e janarit. Për këtë janë të bindur mediat italiane, të cilat interpretojnë si lamtumirë të parakohshme vendimin që ka marrë klubi bardhekaltër për mbrojtësin e Kombëtares për ta nxjerrë nga lista e lojtarëve që përdor për Serie A.
Top Channel
