Premier League/ Man.United dhe Liverpool ‘ngrenë kokë’, marrin fitore në transfertë 30/11 17:35
Kombëtarja e vajzave mbylli përgatitjet për ndeshjen e dytë miqësore me Turqinë teksa zhvilloi edhe seancën e fundit stërvitore. Fillimisht vajzat kuqezi punuan në palestër dhe më pas u stërvitën në fushë, ku zhvilluan edhe një ndeshje taktike me vajzat që u ndanë në dy skuadra.
Kombëtarja e vajzave barazoi në miqësoren e parë ndaj Turqisë, me trajnerin Grima që është shprehur i kënaqur, por shtoi se skuadrës i duhet vazhdimësia
”Jam i kënaqur me ndeshjen e parë. Më pëlqen shumë motivimi, dëshira e vajzave, ajo që shprehën në fushë, pavarësisht se kishim luhatjet tona. Megjithatë unë jam shumë i kënaqur me atë që treguan vajzat. Kemi vazhduar me performancën e mirë që kemi parë në ndeshjet e fundit të eliminatoreve. Na duhet ky ritëm, na duhen këto rezultate, për vazhdimësinë. Nesër mendojmë t’i japim kohë dhe prioritet të gjitha vajzave që janë pjesë e grupit. Të shohim vajzat e reja që kemi afruar, si edhe vajzat që kanë më pak minuta në formacion dhe të mendojmë për të ardhmen se si do ta bëjmë grupin më të fortë dhe më të kompletuar-u shpreh trajneri i kombëtares së vajzave
Sfida e dytë miqësore mes Turqisë dhe Kombëtares së vajzave do të luhet këtë të hënë në orën 14:00.
Top Channel
