I lënë jashtë nga Sylvinho, Seferi vazhdon të bëjë atë që di më mirë, të shënojë, vjen goli i 10-të në 15 ndeshje në Turqi 30/11 23:28
Lautaro Martinez me dy golat e shënuar ndaj Pisashyn gjithnjë e më shumë në historinë e klubit. Sulmuesi argjentinas arriti në kuotën e 163 golave të shënuar me fanelën zikaltër duke kaluar legjendën e këtij klubi, Sandro Mazzola dhe tani ai kërkon të jetë në podiumin e shënuesve më prolifikë të Interit.
Nëse Interi u kthye te fitorja, pas dy humbjeve radhazi, është pikërisht merita e kapitenit që me dy golat e tij nxori skuadrën nga vështirësitë me sulmuesin që nuk ngurroi të japë dy falënderime; i pari ndaj Espositos dhe i dyti ndaj barellas. Në përfundim të ndeshjes. Lautaro Martinez u pyet nëse historia e tij me Interin do të vazhdojë apo jo. ‘Shpresoj shumë-ishte përfgjigjja e sulmuesit-njerëzit më duan. Kam edhe disa vjet në kontratë. Inter duhet të fitojë gjithmonë, prej kohësh luftojmë për të gjitha trofetë. Nga jashtë cdo kush mund të flasë, ne duhet të gjejmë sa më lart të jetë e mundur’
Lautaro Martinez është në qendër të vëmendjes gjatë gjithë kohës. Kur fiton, kur humbet, kur tund kokën pas një zëvendësimi në minutën e 70. Por ai e ka për zemër Interin si të ishte familja e tij. ‘Jam mësuar me kritikat-tha Lautari-unë punoj për veten time, për skuadrën e për familjen time. Lë të tjerët të flasin’
Për Lautaro Martinez flasin golar; 10 në këtë sezon, 163 me fanelën e Interit në total. I duhen edhe 8 finalizime për të kaluar Boninsegnan në vendin e tretë. Kapiteni Lautaro Martinez është gjithnjë e më shumë në historinë e klubit zikaltër…
Top Channel
