Inter, Chivu pas fitores: Me Lautaron përqafohemi çdo mëngjes, kur vihet në diskutim, ekzagjerohet…

‘Ajo që më kënaqi më shumë është dëshira për të reaguar, vetëdija për faktin që sot që nuk ishte një ndeshje e lehtë-tha Chivu-Pisa nuk humbte prej 6 ndeshjesh, vinte nga një seri pozitive dhe nuk pësonte gol në shtëpi që nga muaji shtator. I dinim rreziqet me të cilat mund të përballeshim, bëmë një ndeshje të organizuar, me durim dhe pjekuri edhe pse në disa momente mund të bënim më mirë. Por e marrim për të mirë atë cfarë kemi berë, atë që ky grup meriton sepse cdo ditë po tregon se ka dëshirë të përfshihet në loje dhe të një një sezon të rëndësishëm’

Në këtë ndeshje, Lautaro Martinez u bë protagonist me dy golat e shënuar prej tij.

‘E dimë cila është rëndësia e lojtarëve tanë, sidomos kapitenit tonë-shtoi Chivu-ka zëra që e vënë në diskutim atë, por jo ne, sepse e dimë sa i rëndësishëm është ai për ne, sa punon dhe sa shumë na ka për zemër-pastaj, zëvendësimet, gjithnjë e njëjta gjë, duhet të të japin një ndihme sepse spostojnë shumë gjëra por një trajner nuk është më i aftë apo i paaftë kur bën zëvendësime të caktuara dhe gjykohet në bazë të fitores apo humbjes. Ndryshimet bëhen për të ndihmuar skuadrën, për të hedhur në fushë energji të reja sepse kemi parë kualitete duke qenë se kemi 22 lojtarë të zotë qe kanë mundësi të jenë në një skuadër të rëndësishme si Interi’

Përsa iu përket kritikave ndaj argjentinasit, Chivu e kishte diçka për të thënë.

‘Trajneri ndonjëherë duhet të admininistrojë shumë gjëra që nuk thuhen vërdallë, ndonjëherë, ndoshta humbet kthjelltësinë-tha tekniku i Interit-kur vihet në diskutim një futbollist si Lautaro, dhe jo vetëm ai, ndonjëherë ekzagjerohet sepse kërkohet lajmi, por ne e dimë cfarë po bën ai, e dimë sa për zemër na ka, sa i rëndësishëm është për këtë grup’

Përsa i përket përqafimit me sulmuesin argjentinas, trajneri Chivu deklaroi.

‘Përqafohem me të cdo mëngjes, sa keq që nuk ka telekamera vërdallë e të kemi një Big Brother që të na regjistrojë e filmojë-tha Chivu-përqafimet janë mënyra ime e të vepruarit, ne flasim, edhe kjo është një gjë e re, edhe këtë javë kemi folur, jemi përqafuar cdo ditë. Jam i kënaqur me të sepse sulmuesit jetojnë për golin, një si Lautaro që është fitues, do që të fitojë gjithmonë, do gjithnjë të ndihmojë skuadrën, do që të jetë gjithnjë vendimtar. Jam i lumtur me të, jam i lumtur me grupin që pati reagimin e sotëm’.

Top Channel