Tre ngacmime seksuale brenda pesë ditësh, arrestohet emigranti në Britani 30/11 19:09
Papa Leo XIV mbërriti sot në Bejrut duke hyrë në Liban për fazën e dytë dhe më delikate të udhëtimit të tij të parë apostolik, që do të zgjasë deri më 2 dhjetor.
Në fjalimin e tij drejtuar autoriteteve libaneze, Papa Leo XIV theksoi rëndësinë e paqes dhe rolin kyç që luajnë gratë dhe të rinjtë në këtë proces.
“Vëllazëria universale dhe miqësia shoqërore brenda çdo shoqërie janë dy pole të pandashme dhe bashkëthelbësore”, deklaroi Papa, duke nënvizuar horizontin drejt të cilit thirret vendi. Ai shtoi se sfida për paqen nuk ka të bëjë vetëm me Libanin, “por me të gjithë Levantin”, një rajon ku stabiliteti kërcënohet nga paqëndrueshmëria, pabarazia dhe emigrimi i të rinjve.
Papa Leo XIV theksoi gjithashtu nevojën për ndërgjegjësim ndërkombëtar, duke vënë në dukje se paqja në Liban është një pjesë integrale e stabilitetit rajonal. Ai i kushtoi vëmendje veçanërisht kontributit të grave.
“Dua të theksoj rolin thelbësor të grave në angazhimin e tyre të durueshëm për ruajtjen dhe ndërtimin e paqes. Gratë kanë një aftësi specifike për paqebërje, sepse dinë të ruajnë dhe zhvillojnë lidhje të thella me jetën dhe njerëzit”, tha ai.
Papa përfundoi duke theksuar rolin e të rinjv. “Të bekuar janë paqebërësit dhe të bekuar janë të rinjtë që qëndrojnë ose kthehen, në mënyrë që Libani të vazhdojë të jetë një tokë plot jetë”, përfundoi Papa.
Top Channel
