Ndryshe nga sa pamë në Finlandë dhe Austri, këtë radhë nuk ka podium për Lara Colturin. Skiatorja italiane që garon për Shqipërinë e përfundoi në vendin e 12 garimin e saj në slalomin gjigant në ndalesën e radhës së Kupës së Botës, në Colorado të SHBA.
Lara Colturi e mbylli garimin në zbritjen në vendin e 6 së bashku me kanadezen Grenier me kohën e njëjtë 1 minutë e 14 të qintat. Ndërsa në zbritjen e dytë 19 vjecarja përshkoi një kohë që e poziciononte në vendin e 19 për këtë zbritje, ndërkohë që koha totale në përfundim të të dy zbritjeve, Colturi regjistroi një kohë prej 2 minutash e 82 të qintat.
Ajo që ra në sy është se Lara Colturi në përfundim të garimit la pas dy emra shumë të mëdhenj të skive Alpine sic është amerikania Mikaela Shiffrin e konsideruar edhe si mbretëresha e këtij sporti që e mbylli garimin e saj në vendin e 14, ndërsa italiania Sofia Goggia u rendit në vendin e 17 garimin e saj pas dy zbritjeve.
Nga garimi në Slalomin gjigant në pistën amerikane, Lara Colturi grumbulloi 22 pikë, por 19 vjecarja vazhdon të jetë në vendin e dytë në renditjen e përgjithshme të Kupës së botës me 218 pikë, 50 pikë më pak se kryesuesja, Mikaela Shiffrin, ndërkohë që në vendin e tretë është austriakja Julia Scheib me 180 pikë.
Top Channel
