Igli Tare ritakohet me Lazion; Nga Milinkovic-Savic, te Klose, sa goditje me bardhekaltrit 29/11 11:26
Në sesionin e merkatos së verës të këtij viti, Joao Felix ishte shumë pranë kthimit te Benfica, skuadra që e solli në futbollin e rëndësishëm. Por tratativat në fund nuk u mbyllën me sukses dhe futbollisti vendosi të transferohet te Al Nassr për t’u bashkuar me shokun e tij të skuadrës te kombëtarja portugeze, Cristiano Ronaldo.
Por fantazisti nuk e priti mirë dështimin e këtyre tratativave me klubin nga Lisbona.
’Ajo që më shtyu të zgjedh Al Nassr ishte dëshira e klubit për të më marrë-tha Joao Felix-e vërteta është se për 3 vjet kam dashur të kthehem te Benfica, ka qenë gjithnjë një dëshirë e imja. Ua kam thënë gjithnjë agjentëve të mi, por nuk ka pasur kurrë një interes serioz nga ana e klubit. Doja të kthehesha por nuk gjetëm një marrëveshje, jo për shifrën apo pagën, asgjë e tillë. Gjithnjë ka qenë mungesa e vullnetit të skuadrës tjetër për të më marrë dhe Al Nassr erdhi këtë verë me më shumë dëshirë e vullnet’
Janë këto fjalë të cilave presidenti I Benfica, Manuel Rui Costa iu përgjigj ashpër.
‘Më vjen shumë keq që Joao ka thënë dicka të tillë-tha Rui Costa-edhe për të. Nëse do të varej nga vullneti i Benfica, nga ajo që Benfica i ofroi për ta sjellë në Lisbonë, do të ishte aty që para 3 vitesh, jo këtë verë, por para 3 vitesh. Nuk dua t’i mëshoj shumë kësaj sepse do të kem gjithnjë respekt për Joao; është një futbollist i formuar këtu, një djalosh që e kemi stërvitur, ushqej respektin dhe afeksionin maksimal dhe shpresoj që një ditë të veshë fanelën e Benfica. Më vjen shumë keq, që bëri një deklaratë të tille. Do të thotë se cfarë domëthënie ka për të kur një klub apo skuadër bën gjithcka për të sjellë në shtëpi një futbollist. Në këto 3 vjet, Chelsea, Barcellona, Milan dhe tani Arabia Saudite e kërkuan më shumë. Ndoshta po’.
Top Channel
