Investitorë të rinj te Reali i Madridit? Ja emrat e mundshëm që përfliten të hyjnë… 29/11 13:35
Në San Siro është rezervuar sfida mes Milanit dhe Lazios, një ndeshje kjo që përjetohet edhe nga Giuseppe Pancaro, ish mbrojtësi Italian që ka veshur fanelën e të dyja skuadrave dhe që rrëfehet në një intervistë të gjatë për ‘La Gazzetta Dello Sport’.
Tani ju thërrasin…mister
‘Po, edhe pse jam në pritje prej pka kohësh. Erapa e fundit ishte në Monopoli në 2023 dhe e gjithë kjo pas Pistoiese, Catanzaro, Catania e Juve Stabia. Po pres rastin’
Ndërkohë, futboll dhe padel?
‘Po cfarë tenisi! Provova padelin, por kam shumë dhimbje, nuk është i përshtatshëm për fizikun tim. Lloji i lojës është traumatic; shkëputje, nndryshme të vazhdueshme drejtimi, shpejtësia e shkëmbimit, sipërfaqja e ashpër. Është pak si në calcetto’
Por, sonte jeni I lirë, është ndeshja juaj, Milan-Lazio
‘Mos më pyet se kë do të mbështes, sepse është e pamundur. Lazio bëri të mundur të më realizoheshin ëndrrat, Milani më dha mundësinë të jetoj me një skuadër të jashtëzakonshme dhe të luaj një ndër sezonet më të mira të jetës sime, ai i titullit tim të dytë në 2003/04. Isha 34 vjec dhe të gjithë më konsideronin të mbaruar. Unë tregova të kundërtën’
Trofeu më ikonik në 10 që keni fituar me të dyja skuadrat?
‘Kupa e Kupave në Birmingham në 1999. Kujtoj topin e gjatë që dhashë per Vierin që shënoi me kokën e fashuar dhe tifozët e shumë lazialë në stadium’
Tani për Superkupën Evropiane, 1999
‘Ferguson tha se Lazio ishte skuadra më e fortë në botë dhe se ai trofe ishte një prej keqardhjeve më të mëdha të tij. Kujtoj Beckham në krahun tim dhe hundën e thyer të Inzaghit pas një përplasjeje me Stam. E bukura është që Salas i aktivizuar si zëvendësues në vend të Inzaghit, shënoi golin e fitores. Më pas, 2 vjet më vonë, Simones i organizuam një shaka, e bëmë të besojë se Stam e kishte inatin me të’
Po për 14 majin e vitit 2000 cfarë kujton?
‘Vetëm një flash; unë, Mihajlovic, Stankovic dhe Conceiçao që përqafoheshim pas fërshëllimës së fundit në Perugia. Lotë, shishe shampanje. Disa ditë me vonë shkuam në Milano për ndeshjen e kthimit të finales së Kupës së Italisë kundër Interit. Ishte dikush që kishte flokët blu, si Ballota. Dhe fituam trofeun’
Ndonjë peng nga vitet si lazial?
‘Dy. I pari është, titulli I humbur në 1998-99, pikërisht ndaj Milanit. Në ndeshjen ndaj Fiorentinës na mohuan një penallti të qartë ndaj Salas, pastaj barazuam 0-0 në Empoli dhe humbëm 3-1 ndaj Juventusit. Titulli i 2000 lau të gjithë hidhërimin, padrejtësitë që kishim pësuar. Pengu i dytë ka të bëjë me humbjen 5-2 ndaj Valencias në ndeshjen e parë cerekfinale të Ligës së Kampioneve në 2000. Me pak më shumë eksperiencë mund ta kishim fituar atë trofe’.
Keni pasur oferta për t’u larguar?
‘Në vitin 2000, Middlesbrough donte të më dyfishonte pagën, por zgjodha të qëndroj në Romë’
Po Milani si erdhi?
‘Do ta kisha mbyllur karrierën time te Lazio, por ishin shfaqur problemet në klub. Kisha humbur motivimin, sezoni nuk shkoi mrë dhe në fund u largova. Pata fatin që u bashkova me një skuadër kampionësh. Kuq e zi ishin ngjyrat e vendit tim, Acri. Për këtë arsye jam ndjerë gjithnjë si në shtëpi’
Tifozët ju dedikuan një kor
‘Ora ishte rreth 03:00, ishe në xhiro me mua, Pippo Pancaro, ale’. Fituam titullin pas një goli me gjuajtje me kokë kundër Romës. I vetmi peng mbetet finalja e Championsit e humbur në atë mënyrë, por nuk është e vërtetë që festuam në fundin e pjesës së parë. Në hotel, Maldini na mbajti një fjalim’
Çfarë ju tha?
‘Ka qenë ora 01:00 e natës. Askënd nuk mund të zinte gjumi. Gjendeshim në sallon. Paoli na tha se duhet të rikthehemi menjëherë. Dhe në fakt kështu shkoi por unë isha larguar’
Tani flasim për aktualitetin. Si mund të markohet Leao?
‘Në hapësira të ngushta, me forcë, pa i dhënë ndonjë shans. Duhet të luash ngjitur me kaviljet e tij. Fati i tij ishte që takoi Allegrin që unë e njoh që nga kohët kur luanim në Cagliari. Ai ishte një gjeni që kuptoi se një lojtar si Leao nuk duhet të vrapojë pas, por të bëjë vetëm një fazë’
Po Bartesaghi ju pëlqen?
‘Shumë. Edhe Palestra’
Po Modric, në lazion dhe Milanin tënd plot me kampionë, a do të kishte vend për të luajtur?
‘Nuk e di. Simeone, Veron, Pirlo, Gattuso, Kakà, Seedorf…do e kisha të vështirë të lija jashtë ndonjë prej tyre’
A mund ta fitojë Milani, titullin?
‘Variabli është qendërsulmuesi, por Leao mund të zgjidhë problemet e kuqezinjve. Përpara është fgjithnjë Interi, por ky është një kampionat i ekuilibruar’
Çfarë ideje keni krijuar për situatën te Lazio?
‘Është pika më e ulët e regjistruar nën menaxhimin e Lotitos. Klubi nuk programon, nuk bën investime dhe është larg vendeve të para. Në mes këtyre vështirësive, Sarri dhe skuadra po bëjnë maksimumin. Mes lojtarëve që dua më shumë është Gila: shumë i fortë’.
Top Channel
