Borussia Dortmund pushton bayArenan duke mposhtur Bayer Leverkusen në ndeshjen e radhës në Bundesligën gjermane me rezultatin 2-1. Skuadra e drejtuar nga Niko Kovac u duk se e nisi më mirë ndeshjen, por me kalimin e minutave, Bayer Leverkusen e rriti intensitetin në lojën e tij.
Në momentin më të mirë të skuadrës së ‘Aspirinave’, Borussia Dortmund gjeti golin; në minutën e 41, Anselmo shfrytëzoi asistin e Svensson për të dërguar topin në rrjetë duke i dhënë avantazhin 1-0 Borussias së Dortmundit. Pas këtij goli, Bayer Leverkusen u përpoq të reagojë, por në minutën e 65, ajo u ndëshkua sërish. Fabio Silva shërbeu një asist për Adeyemi që coi rezultatin në 2-0.
Skuadra e drejtuar nga Hjulmand u zgjua shumë vonë, pasi në minutën e 83, Kofane që u aktivizua si zëvendësues, shkurtoi diferencën në 2-1 por vetëm kaq. Ndeshja u fitua nga Borussia Dortmund që shkon në kuotën e 25 pikëve duke parakaluar në renditje, pikërisht Bayer Leverkusen që mbetet me 23 pikë.
Top Channel
