UEFA uron Shqipërinë për 113-vjetorin e Pavarësisë: Gëzuar Ditën Kombëtare, kombi i apasionuar pas futbollit… 28/11 18:43
LaLiga ka nënshkruar një nga kontratat më të rëndësishme televizive në historinë e saj, duke siguruar një rritje të të ardhurave të saj dhe duke ruajtur partneritetin me dy ofruesit e saj kryesorë, Movistar Plus+ dhe DAZN, për periudhën pesëvjeçare 2027-2032.
Raundi i ri i të drejtave televizive për LaLiga EA Sports do të gjenerojë më shumë se 1 miliard euro në sezon, me paketën totale që arrin në 5.25 miliardë euro sipas gazetës spanjolle “MARCA”, duke tejkaluar marrëveshjet e mëparshme. Procesi u përfundua të premten në zyrat e CSD (Këshillit të Lartë të Sporteve), ku u hapën propozimet financiare. Mekanizmi i kontrollit të LaLigas përzgjodhi propozimin që siguroi kthimin më të madh për klubet, duke çuar në një marrëveshje që përfaqëson një rritje prej rreth 6% krahasuar me raundin e mëparshëm.
Nëse përfshijmë 650 milionë euro nga paketa HORECA, 175 milionë euro për LaLiga Hypermotion dhe 60 milionë euro nga të drejtat e transmetimit falas dhe të momenteve kryesore, vlera totale tejkalon 6.135 miliardë euro, duke shënuar një rritje totale prej 9% (me të gjitha të ardhurat).
Ky është një zhvillim veçanërisht i rëndësishëm, veçanërisht në një periudhë kur shumë liga kombëtare po shohin të drejtat e tyre televizive të ulen, edhe për shkak të formatit të ri, të zgjeruar të Ligës së Kampionëve që thith pjesën më të madhe të vëmendjes së ofruesve.
Top Channel
