Reformat fiskale të qeverisë/ Greva tre-ditore paralizon Belgjikën, pezullohet transporti publik dhe ajror 24/11 09:19
Danylo Yavhusishyn, i njohur në ring si Aonishiki, është bërë ukrainasi i parë që fiton një turne elitar të sumos në Japoni, duke siguruar Kupën e Perandorit pas një performance të jashtëzakonshme në turneun 15-ditor në Fukuoka. 21-vjeçari është gjithashtu evropiani i parë në gati tetë vjet që arrin titullin prestigjioz.
Aonishiki e mbylli turneun me rezultat 12 fitore dhe 3 humbje, duke triumfuar pastaj në ndeshjet play-off kundër kampionit të madh mongol Hoshoryu. Me këtë sukses, ai pritet të ngrihet në rangun Ozeki – pozicioni i dytë më i lartë në sumo, duke shënuar njërën nga ngritjet më të shpejta në historinë e sportit.
I pyetur nëse ndihet i përmbushur nga arritjet e tij trevjeçare, Aonishiki tha: “Jo, mendoj se ky është vetëm fillimi.”
Aonishiki mbërriti në Japoni në vitin 2022, si 18-vjeçar, pasi familja e tij u largua nga Ukraina për t’i shpëtuar pushtimit rus. Pa njohuri të gjuhës japoneze, ai u transferua falë ndihmës së një kapiteni të një klubi universitar të sumos, të cilin e kishte takuar më parë në gara për të rinj.
Emri i tij përmban karakterin japonez për “blu”, një referencë simbolike ndaj flamurit të Ukrainës.
Edhe pse ka vetëm tre vite në sumon profesionale, Aonishiki ka fituar popullaritet të madh në Japoni dhe jashtë saj. Ai dallon për teknikat e rralla që përdor dhe për përmirësimin e vazhdueshëm, duke tërhequr vëmendjen e profesionistëve dhe tifozëve.
Ai është vetëm ukrainasi i dytë në divizionin më të lartë të sumos. Sportin e nisi në moshën shtatëvjeçare, pasi më parë merrej me xhudo dhe mundje të lirë.
Top Channel
