“Blindimi” i banesës në Orosh nga RENEA, identifikohet një prej personave që fshihet brenda shtëpisë së pabanuar, ende i paarrestuar 

Brenda në banesë dyshohet se ndodhen dy persona të kërkuar, raporton gazetarja e Top Channel Anila Hoxha. Një prej tyre është identifikuar si Juljan Cumrraku, i cili dyshohet se është i lidhur me grupe terroriste.

Personi tjetër nga Tirana, është identifikuar si shtetasi A. Uka. Të dy këta persona kanë qenë më herët në Siri.

Fillimisht ata janë pikasur nga policia e Pukës, dhe më pas ka mbërritur në zonë edhe Forcat RENEA. Prej disa orësh policia po u bën thirrje që të dorëzohen, por ata nuk kanë pranuar.

Ndërkohë të dy këta persona dyshohet se janë të armatosur rëndë, çka vështirëson dhe ndërhyrjen në banesë.

Top Channel