Kushtet ekstreme të motit godasin Greqinë/ Fshatra të tërë në izolim, shtëpi dhe toka bujqësore të përmbytura 21/11 20:53
Udhëheqësit e Bashkimit Evropian do të takohen nesër, të shtunën, në margjinat e samitit të G20 në Johanesburg për të diskutuar situatën në Ukrainë, thanë sot Presidentja e Komisionit Ursula von der Leyen dhe Presidenti i Këshillit Evropian Antonio Costa.
“Ne folëm me Presidentin Zelensky. Diskutuam situatën aktuale dhe jemi të qartë se asgjë nuk duhet të bëhet për Ukrainën pa Ukrainën”, thanë Costa dhe von der Leyen në një postim në platformën X.
“Asgjë nuk duhet të vendoset për Ukrainën pa Ukrainën”, theksoi presidenti i Komisionit pas telefonatës me Zelenskyn.
Presidenti ukrainas tha se i kishte “informuar” presidentin e Komisionit dhe presidentin e Këshillit Evropian për planin e Trump për t’i dhënë fund pothuajse katër viteve të agresionit rus.
Together with @eucopresident, we have spoken to President @ZelenskyyUA
From day one, Europe has stood with Ukraine in the face of Russian aggression.
We have been working for a just and sustainable peace with Ukraine and for Ukraine together with our friends and partners.…
— Ursula von der Leyen (@vonderleyen) November 21, 2025
“Lidhur me hapat e ardhshëm, udhëheqësit evropianë do të takohen nesër në margjinat e samitit të G20, pastaj në Angola”, ku do të mbahet një samit i Bashkimit Evropian dhe Bashkimit Afrikan, tha Ursula von der Leyen në Platformën X.
Top Channel
