Zemra kuqezi e Paolo Maldinit: Për mua, në Itali apo jashtë saj, ekziston vetëm Milani. Derbi do të jetë i ekuilibruar

Por fraza që shënjoi këtë event ishte një deklaratë dashurie pa filtra për Milanin: ‘Për mua, në Itali apo jashtë saj, ekziston vetëm Milani’

Milani dhe gara për titullin

Në lidhje me mundësinë e fitimit të titullit nga Milani, Maldini, simbol i skuadrës kuqezi, preferoi të tregohet i kujdesshëm. ‘E kam pak të vështirë të flas për Milanin, por jam i kënaqur për pozicionin që ka në klasifikim-tha Maldini-do të jenë Napoli, Inter dhe Juventus që do ta diskutojnë titullin, por nëse Milan do të ruajë këtë klasifikim mund të jetë një tjetër kandidat’

Kur u pyet nëse një ditë do të shkojë në ndonjë klub të ndryshëm nga Milani, përgjigjja e legjendës italiane të futbollit ishte: ‘Sinqerisht, në Itali ka vetëm një skuadër dhe kështu do të jetë. Edhe jashtë Italisë’.

Derbi

Pasi u arkivua cështja Milan, Maldini foli për sfidën me Interin, me ish kapitenin kuqezi që nuk i cbilancua dhe parashikoi një ndeshje të luftuar. ‘Të dielën, besoj se të dyja skuadrat do ta luajnë këtë ndeshje, do të jetë një derbi i ekuilibruar-tha Maldini-derbi është i cuditshëm; kemi humbur 6-7 të tillë radhazi e kemi fituar kampionatin, pastaj u kthyem t’i fitojmë dhe gjërat nuk shkuan shumë mirë. Derbi nuk vendos rezultatin final’

Shkarkimi i Piolit dhe përgënjeshtrimi për Fiorentinën

Maldini foli edhe për Stefano Piolin që u shkarkua nga Fiorentina. ‘Është për të ardhur keq që gjërat shkuan kështu-tha Maldini-nga jashtë nuk është e lehtë t’i kuptosh gjërat, shpresoja që të bënte mirë’. Ndërsa për zërat që e shihnin atë te Fiorentina, Maldini u përgjigj duke buzëqeshur. ‘Kushëriri im më telefonoi për të më pyetur, por iu përgjigja që nuk dija gjë. Personalisht nuk kam ditur gjë’-tha Paolo Maldini

Kombëtarja italiane mes Botërorit dhe Gattusos

Përsa i përket kombëtares italiane, Maldini shprehu shpresën e kualifikimit të Të Kaltërve në Botërorin e 2026. ‘Të shpresojmë, për brezin e ri, për djemtë që nuk kanë parë kurrë një botëror-tha Maldini që më pas foli për Gattuson-mendova se ishte një ide e shkëlqyëe, mishëronte shpirtin e kombëtares’. Por Maldini kujtoi gjithashtu dhe evoluimin e bërë nga skuadrat e tjera. ‘Shumë ekipe janë përmirësuar, ka një evolucion nga kombëtaret e vendeve të tjera-shtoi Maldini.

Daniel Maldini dhe ardhja e Palladinos te Atalanta

Dhe në fund, Paolo Maldini foli edhe për djalin e tij Daniel që tani është pjesë e Atalantës. ‘E nisi si titulla, por më pas e pati më të vështirë për të gjetur hapësira-tha Maldini-Daniel ka nevojë të luajë. Palladino? Shpresojmë të bëjë mirë’

Top Channel