“Duhet t’i lëshojë territore Rusisë”/ Plani amerikan për Ukrainën, Zelensky alarmohet dhe i kërkon ndihmë Erdoganit 19/11 21:58
Një video që tregon momentin kur një çiklist i zhveshur goditet me grusht nga një motoçiklist po bën xhiron e internetit.
Konkretisht, videoja e publikuar nga Daily Mail tregon një çiklist të zhveshur që lëviz… me biçikletën e tij nëpër rrugët e Colchester, një qytet në qarkun e Essex në Britani. Siç duket, çiklisti ka një flamur të gjelbër në shpinë, ndërsa mban edhe një kapelë të gjelbër.
Papritmas, agresori hyn në vendngjarje me motoçikletën e tij, i afrohet çiklistit dhe e godet me grusht, duke e hedhur me forcë në trotuar. Menjëherë pas goditjes, çiklisti mbetet i palëvizshëm në tokë, ndërsa dëgjohen zëra të tmerruar.
Autori i sulmit, një punonjës bashkiak 46-vjeçar në departamentin e pastrimit të qytetit, thuhet se u zemërua sepse çiklisti ishte pjesë e një grupi të madh çiklistësh të zhveshur që merrnin pjesë në një xhiro me biçikletë për bamirësi.
Sipas dëshmitarëve okularë, 46-vjeçari fillimisht e ngiste motorin e tij përgjatë të njëjtës rrugë me çiklistët dhe u shqetësua nga pamja e njerëzve të zhveshur, siç tha më vonë, kjo po ndodhte para kalimtarëve, përfshirë shumë fëmijë.
Menjëherë pas sulmit, policia lokale u njoftua dhe mbërriti në vendngjarje, me dy oficerë që morën deklarata dhe më pas u përpoqën të arrestonin autorin 46-vjeçar. Megjithatë, ai fillimisht rezistoi, duke këmbëngulur se ajo që po bënte ishte gjëja e duhur për të bërë, por më vonë u informua se ishte një aktivitet bamirësie, për të cilin ai mohoi të kishte dijeni. Sipas raportit, çiklisti nuk u plagos rëndë, por pësoi gërvishtje në këmbë dhe krahë. Në një gjyq të mëvonshëm, punonjësi 46-vjeçar u lirua nga akuza për sulmin ndaj çiklistit dhe oficerëve të policisë, por nuk i shpëtoi pezullimit dy-vjeçar të vendosur ndaj tij nga bashkia e Colchester.
Top Channel
