Kombëtarja U21 zhvilloi dy ndeshje miqësore këtë muaj në kuadër të përgatitejeve për Euro 2027, me Moldavinë dhe Ukrainën, të fituara respektivisht 1-0 dhe 2-0. Trajneri i kuqezinjve të vegjël, Alban Bushi nuk e ka fshehur kënaqësinë për këto rezultate të skuadrës së tij
‘Jemi të kënaqur. Dy ndeshje, dy fitore, nuk është se nuk i kishim menduar. Gjithmonë futemi për t’i fituar ndeshjet. Po mënyra se si erdhi kjo e dyta, jam i lumtur sepse luanim me një kundërshtar shumë të fortë. Ukraina është një nivel shumë i lartë, ekip i rangut të Gjermanisë, goxha më mirë se ne-tha Alban Bushi.
Trajneri i kombëtares U21 deshi të falenderojë futbollistët e tij për impenjimin e tyre në këto dy ndeshje miqësore.
‘Jam shumë i kënaqur nga ekipi, dua t’i falënderoj sepse vrapuan dhe luftuan shumë. Por dua të falënderoj edhe lojtarët e tjerë që nuk luajtën dhe që nuk pata mundësi t’i fusja në lojë. Ne pavarësisht se luajmë miqësore, përqasjen e bëjmë sikur është kualifikuese sepse këto janë si kualifikuese për ne. Dhe dua që ta kuptojnë edhe lojtarët vetë që ne i duam fitoret. Intensiteti i lojës ishte shumë i lartë dhe në pjesën e dytë nuk pata mundësi të bëj shumë ndërrime.-shtoi Bushi-Jam shumë i lumtur sepse kur e sheh që ekipi lufton e sakrifikon dhe kanë qëllim që të mbrojnë rezultatin, ne ndihemi mirë. Ukraina na vuri në vështirësi sidomos pjesën e dytë, ishin më të freskët se ne. Bëmë një përqasje shumë të mirë, do të vazhdojmë kështu sepse jemi rritur goxha në çdo aspekt”
Top Channel
