Juventus, dëgjo Arrivabene: Vendim i drejtë për të paguar 70 mln euro për Vlahovic, ëndërroj Donnarumman. Do të kthehesha te Ferrari, por… 14/03 11:52
Roma dhe Milani po përballen me të njëjtin problem në këtë fazë të sezonit: mungesën e një sulmuesi të mirëfilltë që garanton gola dhe vazhdimësi.
Për këtë arsye, rrugët e dy klubeve rrezikojnë të kryqëzohen sërish, këtë herë jo për një shkëmbim lojtarësh, por për të siguruar shërbimet e një emri të njohur për Serinë A.
Sipas “Corriere della Sera”, Joshua Zirkzee është rikthyer fuqishëm në orbitën e të dy klubeve italiane. Sulmuesi holandez u transferua te Manchester United në vitin 2024 për 42.5 milionë euro, pas një sezoni të shkëlqyer me Bologna-n. Roma e ka ndjekur prej kohësh, ndërsa Milani – që kishte tentuar edhe një vit më parë – ka rihapur pistën ditët e fundit.
Burime pranë dy klubeve italiane bëjnë të ditur se drejtorët sportivë Massara dhe Tare kanë nisur kontaktet për të eksploruar mundësinë e një marrëveshjeje. Manchester United, nga ana e tij, thuhet se është i hapur ta lërë sulmuesin të largohet në formë huazimi, pa detyrim blerjeje, një formulë që do t’i lejonte klubeve të vendosin më qetë gjatë muajve në vijim.
Vetë Zirkzee nuk e ka fshehur dëshirën për një rikthim në Itali. Situata e tij në Premier League nuk është ideale: këtë sezon ai ka luajtur vetëm 90 minuta totale në pesë paraqitje, duke u aktivizuar vetëm një herë titullar. Me Kupën e Botës që afron, qendërsulmuesi ka nevojë për minuta dhe ritëm për të bindur trajnerin Ronald Koeman që meriton të jetë pjesë e skuadrës holandeze në turneun që zhvillohet në SHBA.
Gara mes Romës dhe Milanit mbetet e hapur, ndërsa vendimi final pritet të marrë formë me afrimin e merkatos së janarit.
Top Channel
