Gjashtë sfida të tjera kualifikuese janë luajtur këtë të premte, me një tjetër ekip europian që konfirmoi zyrtarisht pjesëmarrjen në Botërorin 2026.
Kroacia mori fitoren që i duhej përballë Ishujve Faroe me rezultatin 3-1, duke shkuar në kotën e 19 pikëve dhe duke e mbyllur Grupin L në vendin e parë me një ndeshje të mbetur për t’u luajtur.
Holandës që i duhej fitorja përballë Polonisë, barazoi 1-1 në Varshavë përballë Lewandoëskit me shokë. Edhe pse “Tulipanët” janë tri pikë larg polakëve në renditje me një ndeshje të luajtur, ekipi i Koeman ka golavarazhin në favorin e vetë, me zyrtarizimin e Holandës në Botëror që do të bëhet pas tre ditësh.
Gjermania arriti të triumfonte përballë Luksemburgut në transfertë me rezultatin 0-2, me të dyja golat që u shënuan nga Woltemade. “Panzerat” udhëheqin Grupin A me 12 pikë, po aq sa Sllovakia që mundi në fund 1-0 Irlandën e Veriut. Sfida e fundit do të jetë mes dy kryesuesve Lajpcig dhe gjermanëve i duhet vetëm një pikë për të shkuar në Botëror, kjo falë golavarazhit.
Në sfidat e tjera, Finlanda u mposht 0-1 nga Malta, ndërsa Mali i Zi mundi me përmbysje 1-2 Gjibraltarin.
REZULTATET:
GRUPI A
Luksemburg 0-2 Gjermani
Woltemade 49’, 69’
Sllovaki 1-0 Irlandë e Veriut
Bobcek 90+1’
GRUPI G
Poloni 1-1 Holandë
Kaminski 43’ / Depay 47’
Finlandë 0-1 Maltë
Grech 81’
GRUPI L
Kroaci 3-1 Ishujt Faroe
Gvardiol 23’, Musa 57’, Vlasic 70’ / Turi 16’
Gjibraltar 1-2 Mali i Zi
Jessop 20’ / Adzic 33’, Krstovic (P) 42’
Top Channel
