Tragjedi në SHBA/ Helikopteri mjekësor rrëzohet në Tennessee, një i vdekur dhe dy të plagosur rëndë 09/11 17:49
Sot pritet dorëzimi i trupit të një togerit izraelit të vrarë në Gaza në vitin 2014.
Krahu ushtarak i Hamasit ka njoftuar se trupi i togerit të IDF-së, Hadar Goldin, i vrarë gjatë konfliktit të vitit 2014, do të kthehet në Izrael.
Megjithatë, në fillim të mbledhjes së kabinetit qeveritar, kryeministri Benjamin Netanyahu bëri të ditur se eshtrat e togerit Goldin do të kthehen në Izrael këtë pasdite.
“Ne thamë në fillim të luftës se do t’i sillnim të gjithë pengjet në shtëpi, pa përjashtim”, theksoi Netanyahu. Kryqi i Kuq është në rrugë drejt një pike takimi me Hamasin në Gazën jugore për të marrë trupin.
Sipas mediave, vonesa në dorëzimin e trupit të Goldin, të cilin Hamasi pretendon se e ka gjetur dje në Rafah, lidhet me negociatat për të lejuar largimin e rreth 150 militantëve të bllokuar në tunelet e Rafahut, në një zonë nën kontrollin izraelit.
“Parimi i dorëzimit ose i dorëzimit ndaj armikut nuk ka vend në leksikun e Brigadave Izzedin al-Qassam. Ndërmjetësit duhet të gjejnë një zgjidhje që garanton vazhdimin e armëpushimit”, deklaroi krahu ushtarak i Hamasit.
Përveç togerit Hadar Goldin, katër trupa të tjerë të pengjeve të vrarë ende nuk janë kthyer në Izrael, sipas marrëveshjes së armëpushimit që hyri në fuqi një muaj më parë.
Top Channel
