Një 48-vjeçar që tentoi të fuste drogë në Shqipëri dhe një 49-vjeçar me qindra fishekë u kapën nga policia në Kakavijë.
Policia ndaloi për kontroll në vijë të dytë, në hyrje të Shqipërisë automjetin me drejtues shtetasit E. N. dhe I. Gj.
Gjatë kontrollit në automjetin e shtetasit E. N. dhe kontrollit fizik ndaj tij, shërbimet e Policisë gjetën dhe sekuestruan një sasi lëndë të dyshuar narkotike kokainë, 2 celularë dhe 3700 euro.
Gjatë kontrollit në furgonin me drejtues shtetasin I. Gj., shërbimet e Policisë gjetën dhe sekuestruan 10 kuti me fishekë gjuetie (në total 250 fishekë), të cilat ai nuk i kishte deklaruar konform ligjit dhe nuk ishte i pajisur me leje për transportimin e tyre.
Policia njofton se u arrestua në flagrancë E. N., 48 vjeç, banues në Berat, për veprën penale “Prodhimi dhe shitja e narkotikëve” si dhe nisi hetimi për I. Gj., 49 vjeç, banues në Patos, për veprën penale “Prodhimi dhe mbajtja pa leje e armëve të gjuetisë dhe sportive”.
Materialet procedurale iu referuan Prokurorisë, për veprime të mëtejshme.
Top Channel
