Qarabag vijon të surprizojë në këtë edicion të Ligës së Kampioneve. Skuadra azere barazoi me Chelsea në sfidën e javës së 4-t të kompeticionit me rezultatin 2-2 dhe tani të dyja skuadrat janë me 7 pikë dhe brenda zonës së playoffit.
Chelsea e nisi mjaft mirë ndeshjen teksa në minutën e 17 mori avantazhin në 1-0 me të riun Estevao. Por Qarabag reagoi dhe 12 minuta më vonë skuadra azere barazoi rezultatin në 1-1. Por surprizat në këtë përballje nuk mbaruan këtu, sepse në minutën e 39, Qarabag i dha një goditje tjetër skuadrës së Enzo Marescas duke përmbysur rezultatin në 2-1 me golin e shënuar nga Marko Jankovic nga pika e bardhë e 11 metërshit.
Në fillimin e pjesës së dytë u shfaq Alejandro Garnacho që në minutën e 53 shënoi për Chelsean golin e barazimit 2-2, një rezultat që mbeti i tillë deri në fundin e sfidës me skuadrat që morën nga 1 pikë.
Por ajo që bën surprizën më të madhe ishte Pafos që mposhti Villarrealin me rezultatin 1-0. Vendimtar për skuadrën qipriote u bë Derrick Luckassen autori i golit të fitores për Pafos që shkon në 5 pikë, ndërsa Villarreal mbetet me 1 pikë dhe për momentin e sheh veten të eliminuar nga Liga e Kampioneve.
Top Channel
