I shokuar dhe nën hetim, Josep Martinez dërgohet nga Interi në terapi

Por kjo ngjarje ka prekur thellë edhe vetë Josep Martinez që është në gjendje shoku; 28 vjecari u gjet nga punonjësit e ndihmës së shpejtë dhe disa shokë skuadre që po shkonin në Appiano Gentile me duart në kokë. Sipas të dhënave të para, Saibene me karrocën e tij elektrike doli nga pista e biçikletave për të hyrë në korsinë ku po udhëtonte futbollisti me automjetin e tij dhe në këtë pikë përplasja ishte e paevitueshme dhe fatale.

Mësohet se Martinez i bëri edhe masazhin kardiak viktimës në fazat e para të ndihmës së shpejtë por pa mundur t’i shpëtojë jetën. Për arsyet që e sollën 81 vjecarin të bëjë atë manovër, do të hetojnë mjekët ligjorë; ekzaminimet do të përcaktojnë nëse Saibene ka pësuar ndonjë infarkt, një opsion që hetuesit nuk e përjashtojnë, kjo sepse dëshmitarët konfirmojnë versionin e Martinez.

Ndërkaq, futbollistit të Interit iu sekuestruan automjeti dhe  celulari me martinez që është nën hetim. Pas aksidenit, spanjolli iu nënshtrua testit të alkoolit dhe atij të antidrogës, të dy negativë dhe më pas ai bëri një deklaratë duke dhënë versionin e tij të ngjarjeve. Në shtëpi u kthye vetëm në orën 18:00 dhe aty e priste një psikolog i ngarkuar nga Interi për t’i kryer një terapi. Josep Martinez, të cilin të gjithë e tregojnë si një djalë të ndjeshëm dhe të rezervuar, ishte kaq shumë i tronditur nga ngjarja sa nuk ishte në gjendje të lidhte dy fraza. Tani 27 vjecari nuk do të kthehet në fushë për një javë  dhe do të nisë një rrugëtim të gjatë ligjor dhe psikologjik. Hapi i parë ishte mbyllja e të gjitha llogarive të tij në rrjetet sociale; në një moment kaq të vështirë, është më mirë të mos lexosh ligësitë në internet

Top Channel