Sophie Turner gjen dashurinë pas ndarjes? Aktorja e “Game of Thrones” përflitet për një lidhje me këngëtarin Chris Martin

Dyshja janë parë së fundmi në një takim privat, duke nxitur spekulime për një romancë të re në horizont.

Chris Martin aktualisht është beqar, pasi i dha fund lidhjes dhe fejesës së tij afatgjatë me aktoren Dakota Johnson në qershor të këtij viti. Nga ana tjetër, Sophie gjithashtu ka përjetuar ndryshime të mëdha në jetën e saj personale.

Edhe pse disa media kanë përmendur një ribashkim të mundshëm mes Turnerit dhe ish-partnerit të saj Pearson, burime të afërta kanë konfirmuar se marrëdhënia e tyre përfundoi në fund të shtatorit, gjatë një dasme luksoze ku ata u panë duke debatuar publikisht. Pas ndarjes, aktorja duket se ka gjetur sërish dashurinë, këtë herë në krahët e Chris Martin.

Turner është një fanse e vjetër e grupit Coldplay. Në vitin 2020, ajo madje u përlot nga gëzimi kur ish-bashkëshorti i saj, Joe Jonas, e surprizoi me një mesazh të personalizuar nga vetë Chris Martin.

Sophie dhe Jonas u martuan në vitin 2019 dhe kanë dy vajza, Willa dhe Delphine. Divorci i tyre u finalizua në shtator 2024. Pas ndarjes, Turner filloi një lidhje me Pearson në vitin 2023 dhe u panë për herë të fundit së bashku në festivalin Glastonbury në qershor, përpara se të fillonin raportimet për ndarjen dhe romancat e reja të aktores.

Top Channel