Reali me risinë “Bernabeu”, për herë të parë në “El Clasico”, ndeshja më e ndjekur në Botë, drejtpërdrejtë në DigitAlb 25/10 16:03
Stadiumi King Abdullah Sports City në Jeddah për një moment kujtoi San Siron me Simone Inzaghi dhe Sergio Conceição në pankinat në anë të fushës, vetëm se në fushën e lojës nuk ishin Interi dhe Milani, por Al Hilal dhe Al Ittihad, dy skuadrat e reja të të dy trajnerëve.
Pas përballjeve në Derbin e Madonninës sezonin e kaluar, italiani dhe portugezi u vunë sërish përballë njëri-tjetrit, tani në ‘Klasiken’ e futbollit arab në sfidën e Ligës Saudite mes Al Hilal dhe Al Ittihad dhe ajo që mori maksimumin ishte pikërisht skuadra e Inzaghit që fitoi 2-0 falë golit të Leonardos me penallti dhe një autogoli. Një sukses që Inzaghit i mungonte në përballjen me Coneiçaon që nga sfida mes Interit dhe Portos 1-0 në sezonin 2022/23.
Që nga ai moment, inzaghi nuk ka qenë më në gjendje që të mposhtë Conceição: në 5 sfidat e mëpasshme, ish trajneri i Interit ka marrë 3 barazime dhe 2 humbje ndaj luzitanit dhe këtu përfshihet dhe humbja me përmbysje në Superkupën e Italisë.
Ajo që bëri që të diskutohej në ndeshjen mes Al Hilal dhe Al Ittihad nuk ishte aq rezultati i ndeshjes sesa fakti që nuk pati shtrëngim duarsh mes dy trajnerëve, ndoshta pikërisht për shkak të rezultateve në Derbin e Madonninës.
‘Probleme me Inzaghin? Nuk ka asgjë mes nesh. Ndoshta kjo gjë ka të bëjë me përballjen tonë të fundit, kur unë isha trajner i Milanit e munda-tha Conceiçao duke iu referuar ndeshjes së kthimit në Kupën e Italisë e mbyllur 3-0 për kuqezinjtë-ndoshta do të përballemi sërish në të ardhmen dhe gjërat do të shkojnë ndryshe’.
Por kjo nuk është hera e parë që diskutohet raporti mes këtyre dy trajnerëve. Rasti I parë është shënuar pikërisht në sezonin 2022/23 në ndeshjen e Ligës së Kampoioneve mes Interit dhe Portos. Edhe në atë rast, pas ndeshjes së kthimit në Portugali që konfirmoi kalimin e Interit në çerekfinale nuk pati shtrëngim duarsh mes Inzaghit dhe Conceiçaos në përfundim të ndeshjes.
Top Channel
