Përplasja SHBA–Kanada, kryeministri i Ontarios reagon pas ndërprerjes së negociatave nga Trump

“Kanadaja dhe Shtetet e Bashkuara janë fqinjë dhe aleatë. Presidenti Ronald Reagan e dinte se ne jemi më të fortë së bashku. Zoti e bekoftë Kanadanë dhe Zoti i bekoftë Shtetet e Bashkuara”, shkroi Ford në rrjetet sociale, pas kritikave të ashpra të Trump-it.

Reagimi i tij erdhi pasi presidenti amerikan njoftoi ndërprerjen e menjëhershme të bisedimeve tregtare me Kanadanë, duke e akuzuar Ontarion për përdorim “mashtrues” të zërit të ish-presidentit Ronald Reagan në një reklamë televizive që kritikonte tarifat tregtare.

Trump deklaroi në platformën e tij Truth Social se reklama është e rreme dhe keqpërdor mesazhin e Reagan-it për qëllime politike. Sipas tij, tarifat janë thelbësore për sigurinë kombëtare dhe ekonominë e SHBA-së”, ndaj të gjitha negociatat tregtare me Kanadanë përfundojnë këtu.

Canada and the United States are friends, neighbours and allies. President Ronald Reagan knew that we are stronger together.

God bless Canada and God bless the United States.https://t.co/n1Nj6ofNZU

— Doug Ford (@fordnation) October 24, 2025

Ndërkohë, Fondacioni Ronald Reagan konfirmoi se qeveria e Ontarios nuk kishte kërkuar leje për të përdorur dhe modifikuar zërin e ish-presidentit në reklamë, por pranoi se citimi përputhet me fjalimin e Reagan-it të vitit 1987 mbi tregtinë e lirë.

Doug Ford ka mbrojtur publikisht fushatën, duke thënë se qëllimi i saj është t’ua përcjellë amerikanëve mesazhin për rëndësinë e tregtisë së hapur dhe të ndershme, veçanërisht në shtetet ku Trump gëzon mbështetje të gjerë.

Listen to President Reagan’s unedited remarks here: https://t.co/1gQUcbR4eZ pic.twitter.com/iqmjSuypp0

— Ronald Reagan Presidential Foundation & Institute (@RonaldReagan) October 24, 2025

Reklama, e cila sipas Ford ka kushtuar 75 milionë dollarë, është transmetuar në rrjetet më të mëdha televizive amerikane dhe ka ndezur një debat të ri mbi marrëdhëniet tregtare SHBA–Kanada.

Top Channel