Stuhia Benjamin përshkon Evropën Perëndimore/ Përmbytje, dëme të shumta dhe një vdekje në Korsikë 24/10 22:54
Chelsea Clinton e ka sulmuar ashpër Donald Trumpin, duke e akuzuar atë për “shpërfillje të historisë” dhe shkatërrim të karakterit historik të Shtëpisë së Bardhë me rinovimet e tij të gjera, përfshirë ndërtimin e një salle të re vallëzimi.
Konkretisht, në një artikull në gazetën USA Today, ajo kritikoi presidentin amerikan, duke thënë se “mungesa e respektit për historinë” karakterizon mandatin e tij të dytë. Përveç kësaj, ajo argumentoi se ndryshimet e bëra në Shtëpinë e Bardhë gjatë presidencës së Trump janë shumë më të diskutueshme krahasuar me rinovimet e presidentëve të tjerë.
The White House became my home when I was twelve years old. I always understood that it wasn’t my ‘house’; it was The People’s House. https://t.co/4nwSllGaRj
— Chelsea Clinton (@ChelseaClinton) October 23, 2025
Clinton, e cila u zhvendos në Shtëpinë e Bardhë në vitin 1993 në moshën 13 vjeç dhe jetoi atje gjatë presidencës së babait të saj, pranoi se shtëpia nuk i përkiste kurrë asaj. Por ajo theksoi se autoriteti i presidentit për të bërë rinovime nuk barazohet me menaxhimin e ndërtesës, gjë që kërkon transparencë, konsultim dhe llogaridhënie ndaj historisë.
Reagimi i Clinton dhe postimi i saj në X u bënë virale, me kritikët që kujtuan skandalin seksual të Monica Lewinsky dhe momente të tjera të sikletshme nga mandati presidencial i familjes së saj në Shtëpinë e Bardhë. Disa komentues kujtuan sjelljen e babait të saj në Shtëpinë e Bardhë, duke thënë se ai “e bëri Shtëpinë e Bardhë të dukej si një skenë e Burning Man”.
Top Channel
