Shkurtime drastike në OBSH: 2,000 qendra shëndetësore pezulluan aktivitetet e tyre 23/10 22:59
Presidenti Donald Trump ka falur bashkëthemeluesin e Binance, Changpeng Zhao, i cili u deklarua fajtor për një akuzë për pastrim parash në vitin 2023, thanë për CNN dy burime të njohura me çështjen.
Sekretarja e shtypit e Shtëpisë së Bardhë, Karoline Leavitt, tha në një deklaratë se Trump “ushtroi autoritetin e tij kushtetues duke lëshuar një falje për z. Zhao, i cili u ndoq penalisht nga Administrata Biden në luftën e tyre kundër kriptomonedhës”.
Deklarata e Leavitt vazhdoi duke argumentuar se dënimi i Zhao-s nga administrata Biden ishte shumë i ashpër – një pikëpamje që presidenti dhe këshilltarët e tij kryesorë ndajnë pas fushatës lobuese disamujore të Binance për një falje për Zhao-n, i cili njihet me emrin CZ.
Falja, e cila u raportua për herë të parë nga The Wall Street Journal, mund t’i hapë derën Binance, bursës më të madhe të kriptomonedhave në botë, që të operojë përsëri në SHBA.
Zhao u dënua me katër muaj burg në maj të vitit 2024, pasi u deklarua fajtor për akuzat se nuk arriti të mbante një program efektiv kundër pastrimit të parave.
Zhao dha dorëheqjen si Drejtor Ekzekutiv i Binance, bursës së kriptovalutave që ai themeloi në vitin 2017, dhe pranoi të paguante 200 milionë dollarë gjoba. Kompania pranoi të paguante më shumë se 4 miliardë dollarë gjoba dhe penalitete të tjera si pjesë e një zgjidhjeje të koordinuar me qeverinë federale në vitin 2023. Binance pranoi se ishte përfshirë në aktivitete të pastrimit të parave, transmetim të palicencuar të parave dhe shkelje të sanksioneve.
Top Channel
