Champions League, pritej rekordi i ri dhe erdhi, 71 gola në 18 ndeshje… 23/10 14:31
Shkëndija dhe Shelbourne, dy nga skuadrat më të nënvlerësuara të UEFA Conference League, do të përballen në Shkup me synimin e përbashkët për të arritur fitoren e parë në fazën e grupeve. Kampionët e Maqedonisë së Veriut debutuan me humbje 2-0 ndaj Rayo Vallecano, në një ndeshje ku u ndje diferenca e nivelit. Megjithatë, Shkëndija është në formë të mirë në kampionat, pasi nuk ka humbur në tetë ndeshjet e fundit (5 fitore, 3 barazime). Në arenën evropiane, situata është më e vështirë: katër humbje në pesë ndeshjet e fundit, tri prej tyre me më shumë se një gol diferencë. Sidoqoftë, ekipi mund të mbështetet te tradita pozitive në Shkup, ku ka fituar gjashtë nga nëntë ndeshjet e fundit ndërkombëtare.
Shelbourne, nga ana tjetër, po kalon një moment të shkëlqyer. Skuadra irlandeze ka siguruar katër fitore radhazi në kampionat dhe barazoi 0-0 me Häcken në debutimin e saj në Conference League, një rezultat që tregon rritje e besim.
Drita do të presë skuadrën nga Qipro Omonia Nicosia në ‘Fadil Vokrri’ t Prishtinës (në orën 18:45), në ndeshjen e dytë të fazës së grupeve në UEFA Conference League, me të dyja skuadrat që kërkojnë fitoren e parë në këtë edicion. Kampionët e Kosovës debutuan me një barazim 1-1 në fushën e KuPS-it në Finlandë, duke reaguar pas disavantazhit fillestar. Forma e skuadrës së Dritës është në rritje, pasi ka pësuar vetëm një humbje në gjashtë ndeshjet e fundit në të gjitha garat (4 fitore, 1 barazim).
Nga ana tjetër, Omonia po kalon gjithashtu një periudhë pozitive, me vetëm një humbje në shtatë takimet e fundit (5 fitore, 1 barazim). Fitorja 2-1 në kampionatin qipriot e fundjavës i ka dhënë moral, edhe pse disfata 0-1 ndaj Mainz në hapjen e fazës së grupeve ka lënë një shije të hidhur. Të dyja këto ndeshje do të startojnë në orën 18:45 dhe do të trasmetphen drejtpërdrejtë dhe ekskuzivisht në Digitalb për të gjithë mbështetësit shqiptarë të klubeve të vemte përfaqësuese të kombit tonë në arenën europiane.
Top Channel
