Trump konfirmon anulimin e takimit me Putin: Nuk do arrinim aty ku duhej, sa herë flas më telefon me të… 22/10 23:45
Bosi kinez i drogës Zhi Dong Zhang, një nga furnizuesit më të mëdhenj të fentanilit për kartelet e mëdha meksikane dhe gjithashtu i kërkuar në Shtetet e Bashkuara, është arrestuar në Kubë, thanë sot burime të sigurisë meksikane për AFP.
Bosi i drogës, i njohur edhe si “Vëllai Wang”, kishte ikur në Meksikë në korrik. Ai do të mbetet në paraburgim në Kubë në pritje të një vendimi për deportimin e tij të mundshëm, thanë burimet.
Një urdhër arresti u lëshua për burrin nga një gjykatës federal amerikan në Atlanta korrikun e kaluar me akuzat për pastrim parash.
🇨🇳🇲🇽 Zhi Dong Zhang, alias “Brother Wang”, fue capturado en Cuba tras fugarse de su arresto domiciliario en #CDMX.
Usó pasaporte falso tras fallar en entrar a Rusia.
EE.UU. lo acusa de liderar red narco transnacional ligada al Cártel de Sinaloa y #CJNG: lavado por $150M, tráfico… pic.twitter.com/9qIYPPJMY5— ZuritaCarpio (@ZuritaCarpio) October 22, 2025
Qeveria kubaneze nuk e ka konfirmuar ende lajmin.
Dy burime qeveritare në Havana i thanë AFP-së se i ndaluari do të deportohej në Meksikë, pa specifikuar datën e saktë të transferimit të tij ose pa dhënë detaje rreth procedurës.
“Vëllai Wang” akuzohet për furnizimin e karteleve Sinaloa dhe Jalisco New Generation, të cilat Uashingtoni i konsideron përgjegjëset kryesore për trafikimin e fentanilit në territorin e SHBA-së dhe i shpalli në shkurt “organizata të huaja terroriste”.
Zhi Dong Zhang u arrestua në Meksikë në tetor 2024, nga ku do të deportohej me kërkesë të autoriteteve amerikane. Pasi u dërgua në një burg në Meksikë, një gjyqtar e vendosi atë në arrest shtëpiak disa muaj më vonë dhe më pas ai u arratis korrikun e kaluar.
Ky shtetas kinez konsiderohet “një pastrues i rëndësishëm parash në shkallë ndërkombëtare”, i cili kishte “bashkëpunuar me kartele të tjera për të transportuar fentanilin nga Kina në Amerikën Qendrore, Amerikën e Jugut, Evropë dhe Shtetet e Bashkuara”, sipas deklaratave të vitit të kaluar nga Ministri Meksikan i Sigurisë Omar García Harfuchs.
Nën presionin e Presidentit të SHBA-së Donald Trump për të goditur tregtinë e fentanilit, e cila ka vrarë mijëra njerëz në SHBA, Meksika ka shtuar operacionet e saj në luftën kundër tregtisë së drogës nën drejtimin e Presidentes së majtë Claudia Sheinbaum.
Top Channel
